Öz ziyareti ögüne Şolts şunı ilân etti ki, Almaniya, Ukrainağa daimiy birdemligini ve destegini bildire. 

“Moskvadan zayıflaştıruv alâmetlerni acele sürette bekleymiz. İlerideki arbiy tecavuzınıñ Rusiye içün ciddiy neticeleri olacaq. Bu aqta ittifaqdaşlarımnen razıyım. Avropada ciddiy telükesiniñ şaatımız olamız”, - yazdı nemse kantsleri Twitter’de. 

Ukraina prezidenti Vladimir Zelenskiy ve Almaniya kantsleri Olaf Şolts, Ukrainanen Şimaliy atlantik alyans terkibinden, ayrıca destek ve satın aluvı boyunca NATO agentliginden silânıñ satın alıv meselesini müzakere ettiler.

“Ukraina içün destek ve satın aluvı boyunca NATO agentliginiñ mehanizmlerniñ qullanuvı ile silâ ve arbiy tehnikasınıñ satın aluvı pek muim. Bu meseleni de kötere edim”, - dedi Zelenskiy Kiyevde Şoltsnen körüşüv neticelerine köre brifinginde. 

Daa Ukraina prezidenti, Almaniya kantslerinen körüşüvinden soñ ilân etkeni kibi,  Ukrainanı dolaşıp Avropağa gaznı teslim etmege RF’nen planlaştırılğan “2-ci Şimaliy aqımı”nen bağlı telükelerine qıymet kesüvinde liderlerniñ farqıları bar. Devlet başı qayd etkeni kibi, bu leyha, “geopolitik silâsı” ola ve Ukrainanıñ energetik ve telükesizlik kefaletlerine ihtiyacı bar. 

“ “2-ci Şimaliy aqımı”nen bağlı telükesizlik havflarını tafsilâtlıca müzakere ettik. Ve mında qarar kesüvinde farqımız bar. Qayd etkenim kibi, mevamım deñişmez. “2-ci Şimaliy aqımı”na bugün tek biz ve vilâyet içün energetik ve telükesizlik menşurından baqamız. Bu leyha, geopolitik silâsı olğanını yahşı añlaymız. Aynı bu sebepten Ukraina, energetik, telükesizlik kefaletlerine muhtac. Energetik saasında muayyen strategik müzakeremizni başlamağa teklif ettim. Olarnıñ çerçivelerinde energetik saasında devletimizniñ destegi ve energetik kefaletleri üzerinde yahşı etip çalışacağımız. Almaniya, Ukraina territoriyasındaki gaz tranzitiniñ devam etilmesiniñ kefili olsun dep pek muim”, - dedi prezident.

Hatırlatayıq, Ukraina TİN başı Dmitriy Kuleba, Şoltsnıñ kiyev ziyaretini “pek müim soylarından biri” dep adladı. 

“Qarardan ziyade olğan beklenivlerimiz yoq, amma o, Almaniya kantsleri ve Ukraina prezidenti arasında ilk sürekli mevzuiy müzakeresi olacaq. Onıñ içinde olar kantslernen Moskvağa alıp ketecek olğan öz mevamlarını zamandaşlaştıracaqlar”, - añlattı Kuleba. 

Şolts ve Zelenskiyniñ müzakereleri eki saattan ziyade süre ediler, umumiy brifingge planlaştırılüan 14:20 yerine saat 16:00 yaqın çıqtılar. 

Zelenskiy ilân etkeni kibi, Rusiyege qarşı qorqutuvlar zemininde ciddiy sanktsıyalarnı qullanmaq kerek. 

“Tecavuzğa qarşı kompleksli sanktsıyalar paketiniñ amelge keçirilmesini müzakere ettik. Mevamım aydın, belli. Tecavuznıñ tutuvında eñ tesirli yanaşuvı ve tenbileyici signallarnıñ qullanuvı olalar”, - dedi devlet başı. 

Almaniya kantsleri, kreditniñ 150 million yevro acele ödemesini vade etken. Ülkelerniñ iç biri, Almaniya kibi Ukrainağa maliyeviy yardımını etmegenini tasdıq etti. 

Nemse siyasetçi, normand formatınıñ işiniñ yañıdan başlaması ve mesleatçılarnıñ körüşüvi aqqında hatırlatqan. Olaf Şolts qaçıncı sefer qayd etkeni kibi, sıñırdaki vaziyetinde diplomatiya ve müzakeresine ümüt besley. 

Kantsler daa ilânı etkeni kibi, Ukraina, Donbassnıñ ayrı statusı aqqında qanun leyhasını taqdim etmek kerek. Sanki dersin, onı Zelenskiy inandırdı. 

“Zelenskiy, Ukraina ayrı statusına ve yerli saylavlarına dair qanun şeyhasını maña berecegi aqqında meni inandırdı”, - yekün çektş Şolts. 

Bizni Telegram’da oquñız