Ukrainada, Rusiyeden yarımadanıñ işğali içün medalni alğan “ozüni qorçalayıcı”nı tapqanlar
Qırım MC prokuraturası UTHnen beraber Kiyevde tintüvlerni keçirip “Qırım özüni qorçalav” degen qanunsız silâlı teşkilâtnıñ teşkil etüvinde şübesi aqqında haber etti.
Bunıñ aqqında Qırım MCnıñ Prokuraturası haber ete.
“Mahkemeden evel olup keçken araştırmasınen tesbit etilgen ki, qanunsız silâlı “Qırım özüni qorçalav” teşkilâtnıñ iştiraqçısı olıp, Ukraina vatandaşı, 2014 senesi fevral-mart ayları devamında Qırım MC Masandra yañında, Yalta ş. civarında yerleşken blokpostında hızmet keçe edi.
Qayd etile ki, işğalcilerniñ ögünde öz “уârarlıqları” içün, “ozüni qorçalıyıcı” 2016 senesi “Qırımnıñ qaytarılması içün” medal alğan.
Qanunsız silâlı “Qırım özüni qorçalav” teşkilâtnıñ iştiraqçısı. Menbatı: Qırım MC prokuraturası
Daa şübeli, silâlı olıp, Ukraina vatandaşlarğa vesiqalarnıñ qanunsız teşkerüvlarnı keçirip, tentüv etip taşıtlarnı toqtata edi.
Suspіlniy Krim’niñ şahsiy menbalarnıñ malümatına köre, 34 yaşındaki Aleksandr Rasşivalovnıñ aqqında söz yürsetile.
Tintüvler vaqtında onıñ evinde “işğalci akimiyetine çalışqanını isbatlağan malümatlar, şeyler ve vesiqalar tapılıp musadere etilgenler”.
Şimdi şübeli içün sıñırlama tedbiri seçip alına.
Şübesi, Ukraina CQnıñ 260 m. 2 q. bölügi boyunca, tayin etilgen. Madde, üçten-sekiz yılğa qadar azatlıqtan marum etüvini bildire.
Belli olğanı
- Muhtarlıq prokuraturası Qırım MCteki UTH Dİ ile rusiye kompaniyalarnıñ birisinde pilotnıñ halqara uçuvlar qanunlarnıñ bozuluvında ve Ukraina Cinaiy Qanunamesine bağlı insanlarnı ukrain devlet sıñırdan qanunsız şekilde kesişüvinde şübe olğanını bildirdiler.
- İyülniñ 27, QMC Prokuraturasınıñ idaresi astında, Qırım Baş polis idaresiniñ tahqiqatçılar “Aqyar özüni qorçalav” degen qanunsız silâlı teşkilâtınıñ eki iştiraqçısını şübe astına alğanını bildirdiler.
- İyülniñ 20, polis, “Qırım özüni qorçalav” qanunsız silâlı teşkilâtnıñ iştiraqçılarnıñ tarafından cinaiy uquqnıñ bozuvı aqqında da haber etti.