Bunıñ aqqında brifingde TİN vekili Oleg Nikolenko ilân etti, bildire “Avropa aqiqatı”.

Uvut aynıñ 13 Ukraina tışqı işler naziri Dmitriy Kuleba ilân etkeni kibi, Ukraina, Rusiyeden cevabını almağan ve buna köre OSCE körüşüvini çağıra. 

Keççe Rusiye, cevabını yollağanı eken malümatı peyda oldı. 

Oleg Nikolenko, Ukraina, Viyana vesiqasınen köz ögünde tutulğan 48 saat içinde cevabını almağanını tasdıq etti ve köz ögünde tutulğan müddetiniñ bitüvinden bir qaç saat soñ OSCE’de Rusiyenen yayınlandırılğan mektübi cevap kibi sayılmaz. 

Tafsilâtlıca oquñız: Moskvanıñ 48 saatı bar: Ukraina, RF’dan sıñırda arbiy faaliyetiniñ añlatuvlarını talap ete

“Birinciden, ukrain tarafınen talap etilgen malümattan ibaret degil. Buna baqmadan, RF, Ukraina adına esassız qabaatlavlarnı yazmağa tırışa edi. Ekinciden, Rusiye, bu beyanatnı Viyana vesiqanıñ ameliaytına alâqasız olğan soyu kibi qayd etti… Aynı bı sebepten Dmitriy Kuleba, mehanizmniñ kelecek elementiniñ qullanuvı - RF arbiyleriniñ kerginleşüvi ve başqa yerge yerleştirüvini müzakere etmek içün OSCE’niñ ayrı körüşüvi aqqında rsmiy talabını yollamağa qarar berdi”, - dep añlattı vekil.

Onıñ sözlerine köre, körüşüv, talap etilgen anden 48 saat içinde olmaq kerek, beklenilgeni kibi - salı künü uvut aynıñ 15. 

Oleg Nikolenko qoşqanı kibi, uvut aynıñ 14 OSCE’de Litvaniyanıñ teşebbüsi ve Latviya ve Estoniyanıñ destegi ile rusiye-aqrusiye oqutuvlar sebebinden Aqrusiyedeki vaziyetine dair Viyana vesiqasınıñ çerçivelerinde mesleatlar olıp keçecek. 

“Ukraina, bu oqutuvlardan ve Aqrusiye territoriyasında Rusiyeniñ umumiy faaliyetinden telükesizliklerniñ öz baqışını taqdim eter. Ukrainanen Rusiyege dair ve ortaqlarnen Aqrusiyege dair bir vaqıtta olğan çağıruvı, Ukrainanen RF’nıñ diplomatik tutuv strategiyasınıñ qısmı ola”, - qayd etti o. 

Belli olğanı

• Viyana vesiqası - vilâyette işanç ve telükesizlik tedbirlerniñ kerçekleştirüvi içün tesbit etilgen Avropada telükesizlik ve işdeşlik teşkilâtınıñ iştirakçı devletlerniñ halqara añlaşmasıdır. O, iştirakçı devletlerniñ territoriyalarına yerleştirilgen quvetler, havfnıñ azlaşması içün arbiy beyanatlar ve adiy olmağan arbiy faaliyeti aqqında mesleatlar aqqında arbiy malümatnıñ er yıllıq deñişüvini köz ögünde tuta. 
• Qara qış aynıñ 25 mudafaa naziri Aleksey Reznikov ilân etkeni kibi, bugünki kününe qadar Rusiye tarafından büyük mıqyaslı açıq ücümini beklemege iç bir esası yoq, çünki o, onı yapacaq olğan ücüm zümreleşmesini daa teşkil etmegen.

Bizni Telegram’da oquñız