Bunıñ aqqında o, öz Twitter saifesinde bildirdi. 

“İsrail tışqı işler naziri Yayir Lapidnen konstruktiv müzakeresi. Strategik yönelişlerde Ukraina ve İsrailniñ işdeşlik meselelerini, ayrıca halqara teşkilâtlarnıñ çerçivelerinde müzakere ettiler. İsrailni “Qırım platformasına” qoşulmağa çağırdı. İsrailniñ destegi eñ çoq kerek olğan vaqıtta oña ümüt besleymiz”, - yazdı Ceppar. 

Tafsilâtlıca oquñız: Ukraina TİN, Qırım platformasınıñ yañı sammitini ilân etti 

İsrail TİN başı, Ukrainada buhrannıñ kerginleşüvine dair raatsızlığını bildirdi ve İsrail sakinleri içün Ukrainağa yolculıqlar aqqında ihtarlarnı yayınlamağa qararı aqqında Cepparnı bildirdi. Yayir Lapid, AQŞ idaresi astında diplomatik bağlarından soñ kerginleşüv toqtatılacaq dep ümüt etkenini bildirdi. 

Belli olğanı 

• 2021 senesi arman aynıñ 23 Kiyevde Qırım platformasınıñ tayin etici sammiti olıp keçti.  46 ülkenıñ vekilleri sammite iştiraq ettiler.Qırım platformanıñ aza-devletleri Qırımnıñ deokkupatsiyasına bağaşlanğan umumiy beyannamenı imzaladılar.
• Büyük Britaniya, ABŞ, İşvetsiya,İsviçriya “Kuçlü Ukraina içün ortaqlıq” fondnı Ukrainada RF tesirine qarşılıq etmek içün yaratalar.
• Kiyevde prezidentnıñ Qırımdaki vekilâyet bazasına Qırım platformanıñ ofisini açtılar. O bu teşebbüske konsalting, ekspert ve malümat yardımını etecek.
• Prezident Volodimir Zelenskiy beyan etti ki, “Qırım platfoma” ofisleri Ukrainadan ğayrı başqa ülkelerde de areket etecekler.

Bizni Telegram’da oquñız