Bunıñ aqqında NV neşri içün öz sutunda diplomat , Ukrainanıñ beşinci prezidenti Pötr Poroşenkonıñ mesleatçısı Konstantin Yeliseyev yaza.

“Rusiye tecavuzcı Qırımnıñ qırsızlavını öz qanuniy saası ile tertipli sürette qanuniyleştirmege devam etken edi, devletimizniñ büyük reberligi ise bunı utançaq olıp izley edi”,-ilân etti diplomat. 

Ukrain yarımadanıñ işğalini qanuniyleştirmege ıntıluvlarnıñ devam etilmesiniñ misal olaraq Yeliseyev RF Konstitutsiyasına deñişüvlerni kirsete, olarnıñ tuzetüvinen rusiye tarafı “topraq iddialardan” “qorçalanıp”, Qırm meseleni qapatmaq istey. 

“Elbet de, bu deñişüvler ile Qırım yarımadası Ukrainağa ait olğanını deñiştirmezsiñ ve Rusiye tarafından toprağımıznıñ qısmını işğal etmek iıntıluvlarnı aqlamazsıñ”,-qayd etti Yeliseyev.  

O,  Rusiyedeki şovinizm maqsatlarnıñ quvetleşüvi içün deñişüvlerniñ kirsetüvini ve munasip sebeplerniñ açıqlanmasını ukrain diplomatiyası içün“şiddetli delili” dep adlay. 

“Belli ki, Kremlniñ böyle tecavuziy qanuniy areketi de, rusiye tarafınıñ añlaşma qabiliyeti ve sağlam ceyetine ümüt beslegenlerniñ hayallarnı yoq ete bilir edi”,-qoştı ukrain diplomatı. 

Bundan da ğayrı, Ukrainanıñ beşinci prezidentiniñ mesletçısı keçken zamanda işğal etilgen Qırımğa RF prezidenti Vladimir Putinniñ kelip Keriçteki zavodında eki arbiy desant gemiler korpuslarnıñ kösterip tıqalğanına Ukraina prezidenti Vladimir Zelenskiyniñ susqunlıqnı qayd etken.

“Qırım şirketlerde arbiy quvetlerni yerleştirgen Rusiye ve hususiy şahıslarğa qarşı ukrain diplomatiyası tarafından yañı milliy ve halqara sanktsiyalarnıñ başlatuvı körünmey”,-qayd etti o. 

Bundan ğayrı, Yeliseyev, çoqtan beklenilgen, amma ale daa körünmegen, Qırımnıñ deokupatsiya strategiyası aqqında hatırlattı. Ukrain yarımadanıñ serbest etüv halqara platformasınıñ başlanuvı, Ukrainanıñ beşinci prezidentiniñ mesleatçınıñ fikrine köre, keç oldı.

Devlet başınıñ tarafından Qırım meselesiniñ körmemezligine uruvınıñ misali olaraq Yeliseyev Pompeo Deklaratsiyasınıñ yıllığını dep saya. Ukraina prezidenti onı añmadı. O, “tek ayrı devlet faktlarnıñ tvitter-yazılarnen diqqat ayırıldı”. 

“Devlet başı angi sebeplerden susqanı tasvir etmek içün zor, çünki Velles Beyannameli seviyede vesiqası aqqında söz yürsetile”,-qayd etti diplomat.

Belli olğanı

• 2020 senesi iyülniñ 22 Baltıq ülkeler ve AQŞ Rusiye tarafından qanunsız şekilde ukrain Qırımnıñ işğal etilmesiniñ qabul etmemesiniñ siyasetine Velles Deklaratsiya printsiplerniñ qullanuvı aqqında ilân etkenler. 
• 2018 senesi, AQŞ devlet departamenti Qırımnen bağlı resmiy Deklaratsiyasını halqqa bildirdi. O ise, Rusiye tarafından yarımadanı qanunsız şekilde işğal etilüviniñ  qabul etmemesi AQŞ siyasetiniñ temelidir. Deklaratsiyada qayd etile ki,AQŞ ittifaqdaşlar, ortaqlar ve halqara cemiyetinen beraber Ukraina toprağınıñ birdemligini yañıdan quruvı boyunca siyasetni saqlamağa mecburiyet alalar. 
• İyülniñ 20 Rusiye prezidenti Vladimir Putin Ukrainanıñ sıñırını kene de bozıp işğal etilgen Qırımğa Rusiye ADF içün arbiy gemilerniñ quruluv merasimde iştiraq etmesi içün kelgen. 
• AQŞ elçiligi Rusiyeniñ Anayasadaki tüzetüvlerge bağlı işğal etilyen Qırımdaki qanunsız rey berüvi aqqında raatsızlığını bildirdi.
• Büyük Britaniya, işğal etilgen Qırımnıñ toprağında qanunsız sürette keçirilgen RF Anayasadaki tuzetüvler içün rey berüvini tanımay.