Bunı RF Mudafaa nazirligi haber etti.

Oquşlar çerçivisinde cenkâver gemiler, katerler ve teminlev gemiler gemi taqımlarını yaratıp Aqyardaki ve Novorosiyskideki daimiy baza yerlerinden çıqtılar ve nasip etilgen rayonlarına keçtiler.

Tecavuziy devletnıñ Mudafaa nazirligi haber etüvine köre, çeşit türlü taqımlarnıñ, gemi ucum gruppalarnıñ ve desant gemilernıñ avlalarnıñ  terkibine çeşit vazifelerini yerine ketirmek içün 30 cenkâver gemilerini işleticekler.

“Olar arasında - fregatlar, qoruv gemiler, yıfaq raketalı gemiler ve raketalı katerler ve mina qarşı mudafaa gemiler bar”, - haberde aytıla.

Aytqanlarına köre, oquşlarnıñ maqdası - “Qırım deñız yalınıñ, QD quvetlernıñ baza noqtalarnıñ, deñız bağlanuv  ve devlet iqtisadiy spektrnıñ şartlı duşman tarafından olğan telükeden mudafaası.

“Oquşlarnıñ çeşit devirlerine  gemi birleşüvlevleri, yalı ordularnıñ bölükleri ve flotnıñ aviatsiyası  yalı ve ava nişanlarına qarşı top, raketalı atuvlarnıñ, raketa ve patlav ucumlarnıñ vazifeler komplekslerini yerine ketireler”, - haberde aytıla.

Daa oquñız: Oquşlar sebebinden Qaradeñız akvatoriyanıñ qapatuvı Ukraina içün telükeli olğan - Üstimenko

Belli malümatlar 

• İşğalcilar gemi quvetler, deñız aviatsiya ve Qaradeñız flotnıñ yalı ordularnıñ oquşları qıyafeti ile Arbiy-Deñız flotnıñ admiralı Mıkola Yevmenovnıñ umumiy reberligi astında Qara ve Azaq deñızlernıñ akvatoriyalarnıñ qısımlarını qapatttılao ve ticariy gemilerine kiriş qaldırmadılar.  Böyle olar ukrain deñız limanlarını blok ettiler. 
• Umumen,  bu oquşlarda 140 cenkâver gemiler, 60 uçaq aletler, bir bin arbiy tehnika aleti ve 10 yuin askerler bu oquşlarğa celp etildiler.
• Kiçik aynıñ 10 Rusiyenıñ ADQ 12 dane balaban desant gemisi işğal etilgen Aqyarğa kirdiler.
• Qara deñızde oquşlarını keçirmek içün, Rusiye işğal etilgen Qırımğa üç dane desant geminı keçirdi. Kiçik aynıñ 9 Baltik flotnıñ üç dane balaban desant gemisi İstanbul boğazıdan, yani Aq deñızden Qara deñızge keçtiler. Ğaliba, bu gemiler Aqyar şeyerine yol tutalar.
• Qara deñız akvatoriyasında 12 balaban desant gemiden ibaret gruppa yaratılacaq, olar  Qara ve Azaq deñızlernıñ tarafından ucumda iştiraq etmege ola bileler.
• İİN RF Qara ve Azaq deñıznıñ blok etüvine cevap berdi.
• Ukraina RF Qara ve Azaq deñızlernıñ blok etüvi sebebinden halqara ortaqlarını cevap areketlerini uyğunlaştırmağa çağırttı.

Bizni Telegram’da oquñız