Fevzi Saganci qanunsız Volodimir merkezine etap etildi
Qırımda yaşağan Ukraina grajdanını, qırımtatar adamını Fevzi Sagancını Stavropol şeyernıñ №11 koloniyasından (RF) “Vladimir vilâyetnıñ №2 apishanesine” (Vladimir merkezine) etap ettiler. Anda endi Oleg Prihodko ve Eskander Abdulganiyev ukrain siyasiy mabuslar cezalarını çekeler. Etap devamında oñı eki ay azaplağan ediler.
Bunı şahsiy Telegram-kanalında Ukraina Yuqarı Şuranıñ insan aqlar suallerden vekili Lüdmila Denisova haber etti.
Aytqanına köre, etapnı Fevzige basımına quvetleştirmege ve cezasını daa de qıyın yapmaq maqsadınnen keçirdiler.
“Etap etüv eki devam etti, bu vaqıtnıñ devamında Fevzi Sağancını psihologik ve bediy tarafından azaplağan ediler. Apishanede aqqayğa kerekli ilâçlarını tibbiy yardımını tamin etmediler”, - Denisova ayttı.
Ombusmen Rusiye Federatsiyada Ukraina işler suallerden vaqıtace vekilini Vasil Pokotilonı Fevzi Sagancını acele ziyaret etmege ve aqlarnıñ yerine keterüvini teşkirmege rica ete. Daa o rus zenaatdaşından Tetâna Moskalkovadan Ukraina grajdanlarnıñ aqlarını qorçalamağa ve kerekli tibbiy yardımnıñ berüvini teminlemene talap ete.
Kreml mabuslerini azat etmege ve Qırım ukrain yarımadanıñ sakinlernıñ taqıplerini toqtatmağa maqsadınnen Denisova halqara cemiyetini ğayretlerini birleştirip, tecavuziy Rusiye devletine basım etmege çağırta.
O hatırlattı ki, 2019 senenin yanvar ayında 28-yaşlı Fevzi Aqmescitteki Lenskiy rayon mahkemesinnen qanunsız mahkemelengen edi. Oñı Noman Çelebicihan adlı qırımtatar batalyonda iştirağına qabaatlaylar. Rus işğal ükümeti bu teşkilâtını qanunsız silâlı teşkilâtnen sayya.
Belli malümatlar
- 2017 senenin ekim ayında “FTH hadimleri” Fevzi Sagancını qıynap, vesiqalarını imzalamağa mecburladılar. Oñı aprel aynıñ 2018 apislediler. Oñı RF CQ 208.2 (Rusiyenıñ meraqlarına qarşı areket etken çetel qanunsız silâlı teşkilâtına iştiraq) maddege köre qabaatladılar. Sanganci qabaatluvnen razı olmadı, mahkemede öz batalyonda iştiraq etüvini red ete edi.
- Noman Çelebicihan adlı qırımtatar batalyonda iştirağı sebebinden oñı on buçuq yıllıq apis cezasına mahkemelediler. Qırımdaki “Leniskiy rayon mahkemenıñ” mahkemecisı İvan Udut bu qararını 2019 senenin yanvar aynıñ 26 qabul etti. Ükümnıñ metinine olğan malümatlarına köre, Saganci mahkeme oturuşlar devamında azaplar aqqında beyan ete edi.
- 2019 senesi, mayıs aynıñ 14 Qırımnıñ “Yuqarı mahkemesinde” Oleg Lebid “mahkemeci” qırımtatar adamına çıqarılğa qararını denişmesiz qaldırdı.
Bizni Telegram’da oquñız
