Ukraina İİN bölükleri Herson vilâyetinde, işğal etilgen Qırımnıñ memuriy sınırında oquşlarını keçirecekler
Kiçik aynıñ 12 Ukraina içki işler Nazirliknıñ bölükleri Herson vilâyetinde, işğal etilgen Qırımnıñ memuriy sınırında taktik-mahsus oquşlarını keçirecekler.
Bu haberinnen Ukraina İİN metbuat hızmeti resmiy ükümet portalda paylaştı.
“Kiçik aynıñ 12, cumaertesi künü vaqıtace işğal etilgen Qırımnıñ sınırına İİN sistemalarnıñ iştirağı ile taktik-mahsus oquşlar keçireleceklerü Ondan soñ keçerüv yerden tış haber vastalarnıñ vekilleri içün netice brifing keçirelecek”, - haberde aytıla.
Oquşlar Herson vilâyetinde, Kalançakta, saat 10:00 keçirelecekler. Milliy politsiyanıñ hadimleri, Milliy Gvardiyanıñ, Fevquale vaziyetler Devlet hızmetnıñ, Devlet sınır hızmetnıñ ve İİNmerkeziy aparatnıñ vekilleri oquşçlarda iştiraq etecekler.
Daa oquñız: Ukraina şimdiki vaqıtında Qırımnı ve Donbasnı qaytarmaq içün operatsiyalarını plan etmey - Zalujnıy
Belli malümatlar
- Kiçik aynıñ 7 Ukraina poligonlarına duşman tehnikağa qarşılıq etmek içün idmanlar keçireleler. Askerler, mudafaanı bozmağa tırışqan, şartlı duşmanğa qarşılıq etmege tırışalar.
- Kiçik aynıñ 1 USQ reaktiv artilleriyasınıñ bölükleri nariy mevzimlerinde açıluvı ve faraziy duşmanınıñ nişanlarına yöneltüvi üzerinde çalıştılar.
- Ukraina Silâlı Quvetlernıñ askerleri vaqıtace işğal etilgen Qırımnıñ memuriy sınırnıñ yanında "Msta-B" top bölüklernıñ taktik-mahsus oquşlarını keçirdiler.
- Yanvar aynıñ 20 Herson vilâyetinde USQ, vaziyetniñ deral deñişüv alda idmanlarnı keçirdiler.
Bizni Telegram’da oquñız