Bunı "Qırım birdemligi" haber etti.

İnsanlar siyasiy mabuslerge bağışlanğan imdat plakatlarınnen resim çıqardılar ve olarnı içtimaiy ağlarda derc eteler. Böyle olar terrorizmde sebepsiz  qabaatlanğan vatandaşlarına  Vadim Bektemіrovğa ve Zekirya Muratovğa imdat bildirtmege tırışalar.

“64-yaşlı  3-ci gruppa saqatlıqnen qırımtatar adamını terrorizmde qabaatluv ile apislemege - bu RF içün masqaralıqtır” “Zekerya Muratovnı azat etıñız. Repressiyalarını toqtatınız”, “ İslam alimi apishanede - bu diñ mebusıdır”, - qırımtatar faallernıñ plakatlarına yazılğan.

Menba: Qırım birdemligi

Belli malümatlar 

• İşğal etilgen Qırımnıñ Aqmescitteki garnizon arbiy mahkeme binanıñ yanında “politsiya hadimleri” Vadim Bektemіrovğa ve Zekirya Muratovğa üküminı çıqaruvına kelgen üç dane grajdan jurnalistini toqtattılar. Alі Suleymanov, Amar Abdulgazіev ve Rustem Üseinov jurnalistler Aqmescitteki № 3 "Merkeziy politsiya bölügine” alıp ketirilgen ediler. Şimdiki vaqıtında olarnı azat ettiler.
• Rostov-na-Donudaki Cenübiy  ortalıq arbiy mahkemesi esli-başlı qırımtatar faaline Zekirya Muratovğa üküm çıqarğan. Oñı qattı rejim koloniyada 11,6 yıllıq cezasına mahkemelediler.
•  Cenübiy  ortalıq arbiy mahkemesinde "Hіzb ut-Tahrіr" davanıñ iştiraqçisına Vadim Bektemіrovğa qabaatluv ükümini çıqardılar. Oñı qattı rejim koloniyada 11 yıllıq cezasına mahkemelediler. Birinci üç yılını o apishanede keçirecek.
• Vadim Bektemіrovğa ve Zekirya Muratovğa çıqarılğan ükümlerine ve grajdan jurnalistlernıñ toqtatutvına Ukraina Yuqarı Şuranıñ insan aqlar suallerden vekili Lüdmila Denіsova ve Ukraina Tış işler nazirligi cevap berdiler.

Bizni Telegram’da oquñız