İSN Ukrainadaki vaqtınca işğal etilgen topraqlardan 1,4 million köçip kelgenini saydı
11:47, 04 Armanay
Foto menbası: ZMINA
İçinden köçken şahıslar aqqında yekâne malümat bazanıñ malümatına köre, avgustniñ 3-nci kününe Ukrainada vaqtınca işğal etilgen Qırım MC, Donetsk ve Lugansk vilâyetler topraqlardan 1 450 798 içinden köçken şahıs esapqa alınğan.
Uyğun malümatnı içtimaiy siyaset Nazirliginiñ saytında paylaşqanlar.
İyülniñ 15 kününe ait olğan evelki malümatına köre, üç afta içinde vaqtınca işğal etilgen Donetsk, Lugansk vilâyetler ve Qırım MCden esapqa alınğan içinden köçken şahıslarnıñ miqdarı 1 383 insanğa artqan.
Belli olğanı
- İyülniñ 15 künü vaqtınca işğal etilgen Donetsk, Lugansk vilâyetler ve Qırım MC territoriyalardan 1 449 415 köçüci esapqa alınğan.
