Bunı "Vesti Sevastopol" işğal neşiri haber etti.

Qaradeñız flotnıñ esas bazasına altı dane balaban desant gemisi kirdiler. Evelsi olar flotara keçüvini yerine ketirgen ediler. Olar arasında: "Petro Morgunov", "Mіnsk", "Korolov", "Kalіnіngrad", "Georgіy Pobіdonosets" ta "Ölenegіrskiy gіrnik".

İşğal etilgen Aqyarda askerler kerekli tehnik aletlernıñ teşkerüvlerini keçireler, gemi yedekelerini toldurtalar.

Sefer devamında, gemilernıñ erkânları suriyedeki Tartus deñız limanına kirgen ediler, anda RF arbiy-deñız flotnıñ teminlev noqtası buluna. Umumen, gemiler bir qaç bin deñız millerini keçkenler. Esas uzaqlığı 13 bin kilometrden ziyade olğan.

İşğal  Qaradeñız flotnıñ metbuat hızmetı haber etti ki,  yaqında balaban  desant gemiler rus askerlernıñ azırlavınnen bağlı vazifelerini yerine ketirmege başlacaqlar.

Daa oquñız: Oquşlar sebebinden Qaradeñız akvatoriyanıñ Rusiyenen qapatuvı, Ukraina içün havflı olmağa ola bile - Üstimenko

Belli malümatlar

• RF oquşlar sebebinden Qara ve Azaq deñızlernıñ akvatoriyalar qısımlarını qapattı ve ticariy gemilerge irişimnı qaldırmadı. O kerçekten ukrain deñız limanlarını blok etti.
• Qara deñızde oquşlarını keçirmek içün, Rusiye işğal etilgen Qırımğa üç dane desant geminı keçirdi. Kiçik aynıñ 9 Baltik flotnıñ üç dane balaban desant gemisi İstanbul boğazıdan, yani Aq deñızden Qara deñızge keçtiler. Ğaliba, bu gemiler Aqyar şeyerine yol tutalar. 
• Qara deñız akvatoriyasında 12 balaban desant gemiden ibaret gruppa yaratılacaq, olar  Qara ve Azaq deñızlernıñ tarafından ucumda iştiraq etmege ola bileler.

Bizni Telegram’da oquñız