Bunı olarnıñ advokatları “Qırım birdemligine” haber ettiler.

Marlen Mustafayev ve Amethan Abdulvapov 2022 senenin aprel aynıñ 7 Aqmescitteki tevqıfhanede bulunacaqlar. 

Qabaatluvğa köre, Mustafayev Ruside yasaq etilgen "Hіzb ut-Tahrіr" firqanıñ azasınnen ola ve Azamat Eyupovnen, Rіza Ömerovnen ve Ayder Capparovnen beraber “Qarasuvbazarda “terroristik bölügini” yaratqan. 

Başqa davada Abdulvapov başqa davada RF CQ 205.5. maddenıñ ekinci qısımına köre, “terroristik teşkilâtnıñ iştiraqçisı” ile qabaatlana.

Tevqıfhane apislevi içün sebebinnen taqıqatnıñ me “mahkemenıñ” fikirine köre, “şubelengen insanlarnen isbatlarnıñ yoq etüvi, şaatlarğa tesirleri ve ukrain pasprtnen qullanıp,  qaçmağa imkânları olğan.

Aqyardaki “Leninskiy şeyer mahkemesi”, koronovirus sınırlavlarına esaslanıp,  haber vastalarnıñ ve diñleycilernıñ bulunmasını sınırladı. Aqmescitteki “Kiyev rayonnıñ mahkemesi” mühbirlerini mahkeme oturuşına qabul etmedi.

“Ernest ayttı ki, onıñ evine tintüvler endi 7 yıl devamında keçireleler. O qaçmağa istese edi, endi qaçip kete edi”, - advokat Öleksіy Ladіn ayttı ve qoştı ki,  Seytosmanovğa taşlanğan dinniy kitaplarına olğan parmaq izlerini qayd etmek içün, ekspertizanı rica etmege niyeti bar.

Seytosmanov Ernest  Enver Seytosmanov siyasiy mabusnıñ doğmuş oğlan qardaşı ola.  Enver Seytosmanov işğalcilernen qattı rejim koloniyasına 17 yıllıq apis cezasına mahkemelengen edi. Oñı  "Hіzb ut-Tahrіr" islam firqağa munasibetine qabaatlağan ediler

Daa oquñız: İşğal etilgen Qırımda tintüvden soñ dört dane qırımtatar faalini toqtattılar. Belli malümatlar

Adam qırımtatarlar astında keçirilgen mahkeme oturuşlarını Qırımda ve Rlstov-na-Donu şeyerinde ziyaret ete edi,  siyasiy mabuslernıñ qorantalarına içtimaiy-maişçiy suallerini çizmege yardım ete edi ve grajdan teşebbüslerine iştiraq ete edi. Ondan ğayrı, 2021 senesi boş aynıñ 23, advokat Edem Semedlâyevnıñ qarşıluvından soñ, politsiya hadimleri Ernest Seyosmanovğa qarşı “memuriy protokolnı” tizdiler. Bu sebepten o Aqmescitteki tevqıfhanesinde 13 kün keçirgen edi.

Aqyardaki “Leninskiy şeyer mahkemesi” Ansar Osmanovnı apis astında qaldırdı.

“Beş balanıñ babası, bu insan er bir mahkeme oturuşını ziyaret ete edi ve qırımtatar musulmanlar içün imdan videolarını çıqarğan edi. Olar terroristlerini degil, olar halqımıznıñ faallerini toqtatalar. “Taqıqat komiteti” bunı körmemezlikke ura”, - advokat Emіl Kürbedіnov ayttı.

Mudafaa tarafı adamğa qarşı dörtinci Jenevre konventsiyanıñ qaydelerini işlettirtmege ve oña ev apis etüvini öñleyci tedbir ile seçip almağa talap ete. Böyle insannıñ tevqıfhane azaplarnıñ yerine, qorantane bulunmağa imkânı olacaqtır. Lâkin mahkeme episi bir tevqıfhane apisini çıqardı. O 2022 senenin aprelnıñ 6 birinci tevqıfhanede bulunacaq.

“Tünevin men mahkeme oturuını ziyaret ettim, bugün özü apishanede bulunam”, - Osmanovnıñ sözlerini advokatı tekrarladı.

Şu zamanda, “FTH hadimleri” oñı yalandatmağa tırışa ediler. Olar ayttılar ki, Osmanovnıñ mahkeme oturuşına birisi kelmedi. 

Qoruv “Aqyardaki şeyer mahkemesine” bu qararını üç kün devamında şikâyet etmege niyet ete. Advokat tintüvge kelmedi,  çünki mahsus hızmetler qorucığa mobil alaqanı soñdurdıler.

“Boyle usullarnen olar qorucını ceryandan çıqartalar”, - uquqçi netice çıqardı.

FTH Ansar Osmanovnı ve Ernest Seytosmanovnı “Aqyardaki taqımnıñ” yaratuvına şübeleyler.

Belli malümatlar

•  "Hіzb ut-Tahrіr" yaratuv zamanından (1953) iç bir terraktını yapmadı, lâkin Rusiyede o episi bir yasaq etile, onıñ azalaranı terroristler ile makemeleyler. Uquq qorucılar fikir eteler ki, Rusiyenıñ antiekstremist ve antiterrorist qanunları başqa fikirlernen ve tınç toplaşuvlarnen küreşken repressiv aletnen olğan.
• Umumen, işğal etilgen Qırımda bu qabaatluv çeşiti ile 85 insan toqtatılğan. 40 dane toqtatılğan adamğa endi  7 yıldan 19 yılğace devamlı apis cezaları çıqarılğan. 
• Kiçik aynıñ 9 işğal etilgen Qırımda “quvetçiler” qırımtatarlarnıñ evlerine qanunsız tintüvlerini keçirdiler.  Tintüvlerden soñ qanunsız toqtatıp, Ansar Osmanovnı, Amethan Abdulvapovnı, Marlen Mustafayevnı ve Ernest Seytosmanovnı FTH işğal idaresine alıp kettiler. Uquq qorucilar qayd eteler ki, tintüvler devamında advokatlarğa telefon açmağa imkânları yoq edi, olarnıñ mobil telefonları irişimsiz ediler. 
• Rusiyenıñ Federal telükesizlik hızmeti beyan etti ki,  işğal etilgen Qırımda, kiçik aynıñ 9 toqtatılğan dört dane qırımtatar adamı "Hіzb ut-Tahrіr" islam firqağa munasibetine ve “esas qanunğa qarşı faaliyetine” şübeleneler. 

​​​​​​​​​​​​​​Bizni Telegram’da oquñız