Tintüvlerden soñ toqtatılğan qırımtatar faallerini “esas qanunğa qarşı faaliyetine” şübeleyler - RF FTH
Rusiyenıñ Federal telükesizlik hızmeti beyan etti ki, işğal etilgen Qırımda, kiçik aynıñ 9 toqtatılğan dört dane qırımtatar adamı "Hіzb ut-Tahrіr" islam firqağa munasibetine ve “esas qanunğa qarşı faaliyetine” şübeleneler.
Bunı FTH metbuat hızmetı TARS rus malümat agentligine haber etti.
"Federal telükesizlik hızmeti Qırım Cumhuriyetindeki Rusiye İNN bölüklernen” işbirlikte halqara "Hіzb ut-Tahrіr al-Іslamі" (2003 senesi Rusiyenınh Yuqarı mahkemesi öz qararınnen faaliyetini yasaq etti) teşkilâtnıñ azalarını taptı.Terroristik strukturanıñ dört dane iştiraqçisı toqtatılğan edi. Olar esas qanunğa qarşı faaliyetini keçire ediler, “dünyadaki halifat” ğayyelerine qol tuta ediler, lâdiniy institutlarını bozmağa ve zorbalıq areketler ile ükümetini yıqmağa niyet ete ediler. Konspirativ tedbirlerini keçirip, olar yarımada sakinlernıñ arasında terroristik fikirlerini tarqata ediler”, - FTH metbuat hızmetı malümat agentligine haber etti.
Belli malümatlar
- Kiçik aynıñ 9 işğal etilge Qırımda “quvetçiler” qırımtatarlarnıñ evlerine qanunsız tintüvlerini keçirdiler. Tintüvlerden soñ qanunsız toqtatıp, Ansar Osmanovnı, Amethan Abdulvapovnı, Marlen Mustafayevnı ve Ernest Seytosmanovnı FTH işğal idaresine alıp kettiler. Uquq qorucilar qayd eteler ki, tintüvler devamında advokatlarğa telefon açmağa imkânları yoq edi, olarnıñ mobil telefonları irişimsiz ediler.
Bizni Telegram’da oquñız
