Uyğun nazirler kabinetnıñ emirini öz Telegram-kanalında ukrain milliy mebusı Öleksіy Gonçarenko derc etti.

Böyle tedbirler keçirelecekler:

• icraci ükümet organlarnıñ, belediye, faaller, siyasiy firqalar iştirağı ile mitingler ve ve toplaşuvlar;
• qırımtatar halqnıñ vekillerinnen ve içki köçip kelgenlernen körüşüvler;
• Kiyevdeki devlet memuriyetnıñ yanında qırımtatar bayraqnıñ köterüv merasimi;
• milliy hatıra Ukrain institutınnen azırlanğan rus tecavuznıñ Virtual müzeynıñ taqdim etüvi;
• qırımtatar mevzusına bağışlanğan sergilernıñ ve resimlernıñ taqdim etüvi;

Emirde daa aytıla, VDM ve KŞDM qırımtatar bayraqnıñ Ukraina Devlet Bayraqnıñ yanında köterüv merasimnı Ukrain Devlet Gimnen beraber çeşit vilâyet merkezlerine ve mesken yerlerine temin etmege mecburlar. 

Daa oquñız: Qırımnıñ Rusiye işğaline qarşı tirenüv künü | Vaqialar hronologiyası ve halqara toplulığınıñ qarşılığı

Daa icraci ükümetnıñ merkeziy ve yerli organlarnıñ resmiy vebsaytlarına mahsus malümat materiallarını yerleştirmege ve Ukrainanıñ vaqıtace işğal etilgen territoriyalarına yaşağan grajdanları içün memuriy hızmetlerlernıñ berüvini añlatmağa mümkün. 

“Tecavuziy devletnıñ malümat ucumları episi Ukraina grajdanlarına tesir eteler. İşğal etilgen Qırımnıñ ve Aqyar şeyernıñ sakinleri bunı pek qıyın duyacaqlar. Yazıq ki, çoqsı Rusiye malümat saasında bulunalar. Qarşılıq künnün esas maqsadı - bu Ukraina territorial bütünligini qorçalağan insanlarnıñ cesürliknıñ ve qaramanlıqlarnıñ ürmet etüvidır. Biz adalet içün küreşken edik ve öz küreşmizını devam etemiz”, - öz Telegram-kanalında Ukraina medeniyet ve malümat siyasetnıñ naziri Öleksandr Tkaçenko haber etti.

Belli malümatlar

• Qırımnıñ rus işğaline qarşılıq künü kiçik aynıñ 26 qayd etile. 2014 senesi bu künü Qırım parlamentnıñ binası yanında Ukrainağa taraf quvetler imdat mitingnı keçirgen ediler.
• Kiçik aynıñ 26-nda Hersonda Vilâyet devlet memuriyetiniñ binası yanında Qırımnıñ işğaline qarşı tirenüv kününde tantanalı şekilde Ukraina ve qırımtatar bayraqları köterildi.
• Bu künü Qırımnıñ memuriy sınırına Qarşılıq kününe bağışlanğan avtoyuruşını keçirdiler.

​​​​​​​Bizni Telegram’da oquñız