Aytqanına köre, buhranını diplomatiya ve dialog yolnen çizmege kerek. 

“Dialogtaki umumiylik birlikte esaslana, belki tenbinıñ keregi olacaq. Biz avropalı ortaqlarımıznen beraber müim sanktsiya tedbirlernıñ sırısını qabul ettik, eger Ukrainağa qarşı cenkâver tecavuznıñ telükesi qaviyleştirilse, biz olarnı yerine ketirecemiz. Elbette, biz böyle stsenariyni körmege istemeymiz, lâkin biz oña de azırmız”, - Hose Manuyel Albares Buyeno ayttı. 

O qayd etti ki, AB esas maqsadı - episi avropalı devletlernıñ telükesizligini qorçalağan qararını tapmağa. 

“Men daa bir kere qayd etmege isteyim ki,  bu şimdiki vaziyetimiz degil. Bu sanktsiyalarını evelden qabul etmeyler, olar tenbilev içün qullanılalar. Bizim esas maqsadımız - episi avropalı devletlernıñ telükesizligini qorçalağan qararını tapmağa ve halqara uquqnıñ printsiplerini, yani devletlernıñ suverenitetini ve territorial bütünligini saqlamağa”, - İspaniya Tış işler ve AV işbirlik  naziri  qayd etti.

Daa aytqanına köre, o Ukraina sınırnıñ boyu rus ordularnıñ toplaşuvlarını raatsızlanıp, nezaret ete.

“Lâkin biz eminmız, bu vaziyetini dialog ile çizmege kerek”, - Bueno ayttı. 

Öz nevbetine, Ukraina tış işler naziri Dmitro Küleba  ispan zenaatdaşına tenbi sanktsiyalarnıñ qabul etüvi ve 2014 senesi Qırımnıñ işğali ve Donbastaki tecavuzı sebebinden qayd etilgen sanktsiyalar sebebinden teşekkür bildirtti.

Küleba qayd etti ki, Rusiye ve Ukraina arasında olğan burhanını diplomatik usullarnen regulleştirmek mümkün, çünki AB sanktsiyaları de diplomatik yolnuñ qısımlarıdır. Şu zamanda TİN başı hatırlattı ki, RF halqara uquq qaydelerini, Minsk añlaşmalarını bozğan edi. Bu sebepten sanktsiyalarını şimdi de qabul etmege mümkün edi.

“Donetsk ve Lugansk vilâyetlernıñ ayrı regionlarda Ukraina grajdanlarnıñ kütleviy pasportizatsiyası Minsk añlaşmalarnıñ qıba bozuvınnen sayıla. Bazı sanktsiyalarını evelden de qayd etmege mümkün ve kerçekten areket etmege azır olğanımıznı köstertmege”, - ayttı. 

Bizni Telegram’da oquñız