Bunı “Qırım birdemligi” Facebook saifesinde haber etti.

Kiçik aynıñ 9, saba saat 4:00 Bağçasaray rayonda, Balaklavada, Aqmescitte ve Qarasuvbazarda işğalciler qırımtatarlarnıñ evlerine qanunsız tintüvlerini keçirdiler. Bu qırımtatar adamlar qırımdaki siyasiy mabuslerine imdat bildirte ediler. Saba saat 7:00 taqıqat areketler soñuña keldiler ve qırımtatar adamlarını “FTH işğal idaresine” alıp kettiler. 

Bağçasaray rayonda, Tankove köyünde Osmanov Ansar İsmailoviçnıñ evine tintüv keçirildi. Adam siyasiy mabuslerine bağışlanğan grajdan teşebbüslerine ve malümat kampaniyalarına iştiraq ete edi,  Qırımda ve Rostov-na-Donu şeyerinde keçirilgen mahkeme ceryanlarını ziyaret ete edi.

Ansar Osmanov. Marlen Mustafayev. Menba: Qırım birdemligi

Uquq qorucilar qayd ettiler ki, 2019 senesi, ekim ayında Ansar Osmanovnı, Amet  Suleymanovnı (“uçunci Bağçasaraydaki taqımı”) ve Ali Kerimrvnı, Rostov-na-Donu şeyerinde ketkende,  Keriç köpürde bir qas kere toqtatqan ediler.  Rostov-na-Donu şeyerinde “Hizb-ut-Tahrir” (Yaltadaki taqım) davası ile oturuşlar keçe ediler.

Daa işğalciler  Abdulvapov Amethan Necipoviçnı toqtattılar. O Aqmescit şeyerinle,  Bile-5, Kürkçi 20 adresi ile yaşay.

Qarasuvbazarda “tintüv” Mustafayev Marlen Ramisoviçnıñ evine keçirildi. Adam faal şekilde mahkemelerini ziyaret ete edi ve siyasiy mabuslernıñ qorantalarına yardım ete edi. O “Qırım birdemliknıñ” gonullisı ola. 2017 senesi, aralıq ayında Marlen Mustafayevnı 2017 senesi, ekim aynıñ 14 keçirilgen yalñız piket sebebinden, 10 bin ruble memuriy köreme  ödemege mecburladılar. 

Marlen Mustafayev. Menba: Qırım birdemligi

Aqyar şeyerinde, Balaklava köyünde  Seytosmanov Ernest Kazimoviçnıñ evine tintüv keçirdiler.  Ernest  Enver Seytosmanov siyasiy mabusnıñ doğmuş oğlan qardaşı ola.  Enver Seytosmanov işğalcilernen qattı rejim koloniyasına 17 yıllıq apis cezasına mahkemelengen edi. Oñı  "Hіzb ut-Tahrіr" islam firqağa munasibetine qabaatlağan ediler. Ernest Seytosmanovnıñ evine bu endi dörtinci qanunsız tintüv oldı.

Adam qırımtatarlar astında keçirilgen mahkeme oturuşlarını Qırımda ve Rlstov-na-Donu şeyerinde ziyaret ete edi,  siyasiy mabuslernıñ qorantalarına içtimaiy-maişçiy suallerini çizmege yardım ete edi ve grajdan teşebbüslerine iştiraq ete edi. 

Ondan ğayrı, 2021 senesi boş aynıñ 23, advokat Edem Semedlâyevnıñ qarşıluvından soñ, politsiya hadimleri Ernest Seyosmanovğa qarşı “memuriy protokolnı” tizdiler. Bu sebepten o Aqmescitteki tevqıfhanesinde 13 kün keçirgen edi.

Ernest Seytosmanov. Menba: Qırım birdemligi

“Qırım birdemligi” qayd etti ki,  qanunsız “tintüvlernıñ” devamında çoqsı advokatlarnıñ ve uquq qorucilarnıñ mobil bağları yoq edi Ondan ğayrı,  grajdan birlik koordinatornıñ Dilâver Memetovnıñ ve grajdan jurnalistnıñ Zidan Acikelâmovnıñ telefonları irişimsiz qalğan ediler.

Eki dane toqtatılğan adamğa öñleyci tedbirnı çıqarmaq içün, Aqyar şeyernıñ “Leninskiy rayon mahkemesine” mahkeme oturuşını nasip ettiler. Ernest Seytosmanovnıñ oturuşı saat 5:00 keçti, Ansar Osmanovnıñ - 16:00.

Öñleyci tedbirnıñ seçüvi maqsadınnen mahkeme oturuşlarını Marlen Mustafayevge ve Amethan Abdulvapovğa nasip ettiler. “Mahkemeler” Aqmescit şeyernıñ işğal Kiyev rayonnıñ mahkemesine keçtiler. Mahkeme binanıñ yanında toqtatılğan adamlarnıñ aqrabaları ve vatandaşları toplaştılar. Bu dava ile Marlen Halіkov ve Refat Yunus advokatlar çalışacaqlar.

Aqmescit şeyernıñ işğal Kiyev rayonnıñ mahkemesinde Marlen Mustafayevnı RF CQ 205.5.1 maddesine (Terroristik teşkilâtnıñ yaratuvı ve areketine iştiraq etüv) qabaatladır.  Mahkeme oña apislev öñleyci tedbirini seçti. Bu qararğa köre, o 2022 senenin aprel aynıñ 7 tevqıfhanede bulunacaq. 

“Biz apislevnen bağlı degil öñleyci tedbirini saylamağa rica ettik,  lâkin “mahkeme” ricamızğa diqqat etmedi. Biz istinaf şikâyetini berecemiz”, - advokat Marlen Halіkov haber etti.

Leninskiy rayon mahkemenıñ territoriyasıgda işğal politsiyanıñ hadimleri toplanğan insanlarnıñ pasportlarını teşkireler ve malümatlarını yazıp alalar. 

Bizni Telegram’da oquñız