Stiven Sigal, AQŞ sanktsâlardan qaçınmaq içün, rusiye siyasetçinen inşaat kompaniyasınıñ qaydiyetini gizlegen
Qırım işğaline destek bergen ve bir qaç sefer yarımadanı ziyaret etken amerikalı aktör Stiven Sigal iyülniñ 8inde Rusiyedeki Tambov vilâyetiniñ federatsiya şurasınıñ azası Aleksandr Babakov ile “Gorki investment kompani” qurucılıq kompaniyanı qayd etken. Amma eki afta soñ , iyülniñ 22 Sigal, AQŞ maliye nazirliginiñ sanktsiya cedvelinde olğan rusiye siyasetçinen bağnı saqlamaq içün, bu kompaniyanı yañıdan qayd etti.
Bunı rusiye Baza neşri haber ete.
2016 senesi RF prezidenti Vladimir putin tarafından rusiye grajdanlıqnı alğan Sigal, Babakovnen beraber bu kompaniyadan iyülniñ 22 çıqqanlar, amma aynı künü amerikalı aktör deyyerli “Gorki holding kompani” adlı firmanıñ saipdeşi ola.
Zaznaçaєtsâ, şço za poruşennâ amerikanskogo zakonodavstva v çastinі sanktsіy Sіgalu zagrojuvalo pokarannâ vіd ştrafu v mіlyon dolarіv do türemnogo uv'yaznennâ.
Qayd etile ki, sanktsiyalar qısmında amerikalı qanunlarnıñ bozuluvı içün Sigal million dollarlı ştraftan apis cezasına qadar telükelededir.
Şirketniñ faaliyet profili Moskvadaki adresi dayın aynı qayldı- “mesken ve mesken olmağan binalarnıñ quruluvı”. Şirketniñ baş müdiri de deñişmegen-İgor Sinegubov, o, “âñı” kompaniyasında 25% ortaq saibi olğan. Rusiye neşirniñ malümatına köre, o çoqtan endi Babakovnen çalışa.
Yekâne farqı-ortaq saiplerniñ arasında Babakov rusiye senatornıñ yoqluğıdır.
Belli olğanı
- 2016 senesi küzde Vladimir Putin Stiven Sigalğa rusiye grajdanlıqnı bergen. Rusiye pasportnı almağa istekniñ sebebi aktörnıñ sözlerine köre, “Rusiyede öz dostlarımnen yılda bir qaç aynı keçirmege ister edim”. Onıñ sırb vatandaşlığı da bar.
- Aktör rusiye “Bospor çarlığınıñ altın yüzügi” turistik leyhasını ilerilemege mesülietlidir. Bu leyhanıñ marşrutı işğal etilgen Qırımnıñ toprağındadır. Açıq menbaatlarnıñ malümatlarına köre, Sigal işğal etigen Qırımnı 2014 ve 2015 senesi ziyaret etken edi.
- 2017 senesi mayıs ayında UTH Sigalğa 5 yıl içinde Ukrainağa kelmege yasaq etti.
