“Qırım sualini haber vastalarına saqlamağa kerek, çünki halqara telükesizlik ve adalet ğayrıdan tiklenmek mecbur.Qırımda olğan vaziyetnen razı olmağan biñler insanlar yaşaylar, qıta Ukraina territoriyasında ise evge qaytmağa olmağan Qırım sakinleri bar. Bu leyhanıñ maqsadı - olar aqqında hatırlatmaq ve Qırım mevzusını kene kötermege”, - Suspilne regional yayınlavnıñ general prodüseri Marіâ Frey haber etti.

UA: QIRIM Suspilne yayıncınıñ taqımı televizion tok-şounı taqdim ete. Anda yarımadanen bağlı mevzular muzakere etilecekter, Ukrainanıñ Qırımnen bağı kösterelecek ve Ukraina bütünligini ğayrıdan tiklemek içün yollar qıdırılacaqlar. 

Leyhanıñ esas maqsadı - Qırım mevzunıñ ukrain malümat saağa qaytaruvı ve Qırımnıñ işğali çerçivisinde içtimaiy-siyasiy yaşayışına diqqatınıñ celp  etüvi.  Tok-şou umumiy problema etrafında episi regionlarını birleştire ve oñı çizmek içün usullarını qıdıra. Şounıñ canlı yayında çeşit türlü kergin iqtisadiy-siyasiy mevzular muzakere etilecekler. Qırım sakinlernıñ ve köçip kelgenlernıñ eñ müim problemaları aydınlatılacqlar, yarımada deokkupatsiyanıñ kerçek vaziyeti kösterilecek ve onıñ qıta Ukrainağa tesiri  añlatılacaq. 

Bu leyhna yañı malümat platformanen olacaq. Onıñ  çerçivisinde zenaatçilar ve ekspertler, yani siyasetçiler, jurnalistler, grajdan faaller, meşur alimler ve tamır halqlarnıñ vekilleri İmran Üseinov ve Ölesâ Vakulenko yetikçilernen beraber Qırımnen bağlı mevzularını, milliy ve yerli problemalarını ve olarnıñ Ukrainağa tesirini muzakere etecekler.

Muzakereler devamında davet etilgen ekspertler lokal problemalarını çizmek içün çeşit adimlerini ve mehanizmlerini teklif etecekler ve Ukraina territorial bütünligini ğayrıdan tiklemek içün ve inkişaf etmek içün usullarını qıdıracaqlar. 

Daa oquñız: "Sprava 25-ti" Suspilne podkastı: işğal etilgen territoriyalarını ziyaret etmege imkân olmasa, olar aqqında nasıl haber etmege

“Qırımnıñ deokkupatsiyası - bu devamlı maqsatdır, lâkin o episi bir kerçek. Bu maqsatnıñ yerine keterüvine yaqınlaşmaq içün, işini bir qaç derecede keçirmek kerek: devlet, halqara, grajdan cemiyetnıñ  ve ekspert müitnıñ. Bu sebepten biz bu televizion tok-şounı yarattıq. Anda qırım mevzusı ve yarımadanıñ kergin problemaları aydınlatacaqlar ve bu sebepten çeşit nazar noqtalarını eşitmek mümkün olacaq”, - UA:QIRIM malümat yayınlav leyhanıñ icracısı Müslim Ümerov ayttı.

Daa oquñız: “Qırımğa avdet”: Suspilne qırımtatarlarnıñ Vatanğa qaytqanları aqqında vesiqalı mahsus leyhasını taqdim etecek

Birinci programmanıñ mevzusınnen Qırım yönelişte rus tecavuznıñ quvetleştirüvi ve Qırımnıñ deokkupatsiya ve reintegratsiya strategiyanıñ yaratuvı olacaq.

“Qırım sualnıñ” davet etilgen ekspertleri:

• Іrina Vereşçuk — Ukrainanıñ vaqıtace işğal etilgen territoriyalarnıñ reintegratsiya suallerden naziri;
• Dmitro Lubіnets — insan aqlar, Donetsk, Lugansk ve Qırım Muhtar Cumhuriyetnıñ vaqıtace işğal etilgen territoriyalarnıñ deokkupatsiya ve reintegratsiya sualerden UYUŞ Komitetnıñ başı;
• Refat Çubarov — Aqyardaki qırımtatar milliy Meclisnıñ;
• Andrіy Klimenko — jurnalіst, iqtisatçi, grajdan faali, "BlackSeaNews" baş muarriri.

Suspilne Qırım - bu UA:QIRIM Suspilne movlennâ telekanalnıñ resmiy saytı. Biz 24/7 ukrain, rus ve qırımtatar tillerde yayınğan ukrain yoldaş telekanalı. Bizim saytmızda taze haberlerini, meraqlı metinlerini, Qırım aqqında esas levhalarını, yarımadaki vaziyeti aqqında muzakere programmalarını ve kündelik haberlerini tapmağa mümkün. Biz Qırım sakinler, köçip kelgenler, Qırım ve Ukraina mevzularınnen meraqlanğan yeçnebiyler içün çalışamız.