Bunı “Qırım birdemligi” grajdan teşkilâtı Facebook saifesinde haber etti.

Körüşüvde Aqmescit, Bağçasaray, Qarasuvbazar, İslâm-Terek, Seyitler, İçki ve başqa rayonlarnıñ aqsaqalları iştiraq ettiler.

Advokat Emil Kürbedinov qayd etti ki, Perevalne köyünde azırlanğan diversiyalar davasında Nariman Ametovnıñ elektrik aqımnen azaplarnıñ vaziyeti evelsi endi qayd etilgen edi. Aytqanına köre, böyle qıba qanun bozuvlarını daa 2014 senesi qayd etmege başladılar. 2021 senesi böyle qazalar hronik şekilde keçeler.

“Federal Telükesizlik Hızmetnıñ cinayetlerini tedqıq etmege mecbur olğan  “Ukümetnıñ” ve “arbiy-taqıqat komitetnıñ” resmiy reaktsiyası bir - er şey yavaşlandıra. Cevapları de bir - bozuvlar qayd etilmediler. İnsanını elektrik aqımnen azaplağan ediler, lâkin bozuvlar yoq”, - uquq qoruci qayd etti. 

Bu problemalarını bütün halqnıñ problemalarınnen sayğanları içün,  uquq qorucı aqsaqallarğa teşekkürler bildirtti.

“Bu birisnıñ şahsiy işi degil, bu bizim umumiy işimiz”, - Kürbedinov ayttı.

Faal Üsein Velihayev diqqatını celp etti ki, qırımtatar halqı işğal hızmetlernıñ tarafından yapılğan qanun bozuvlarını körmemezlikke urmay.

“Qırım aqsaqallardan ğayrı, bütün halqımız de bu vaqıalar sebebinden raatsızlana. Bu sebepten bugün aqsaqallarımız toplaşıp, bu mektüplerini açtılar”, - aqsaqal qayd etti. 

Menba: “Qırım birdemligi”

Daa oquñız: Apislengen Celâlov öz mektübine rus adaletini peşin fikirde ve yalanda qabaatladı

Belli malümatlar

• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler  (iş adamı Eldar Odamanov, ağa-qardaş Aziz ve Asan Ahtemovlar, Şevket Üseinov ve qırımtatar halqnıñ Meclis başı Nariman Celâlnı).
• Sali kunü, ayriliq ayniñ 14  Qirimniñ şarqinda, Kefe tarafinda Primorskoe koünde işğal quvetçiler 23-yaşindaki Kurtumer Çalgozov Qirimtatarini toqtattilar. Saat 05:15 oniñ evine tintüv keçirdiler, o uç saat devam etti. Çalgozovniñ mabil telefonini çekip aldilar. Aqrabalarini tintüv porotokolini imzalamağa mecburladilar.
• O künü Çalgozovnı azat ettiler.  Oñı qırımtatar milliy Meclis baş muavinnin Nariman Celâlovnıñ davası çerçivisinde çorğuğa çektiler. “FTH” binasına oñı bazı vesiqalarını imzalamağa mecburlamaq içün qanunsız usullarnen qullanğan ediler. 
• Araliq ayniñ 17, saat 05:50 Eski Qirimda yaşağan faalniñ Nariman Ametovniñ evine işğalcilar tintüvnen keldiler. O er vaqit qirimtatarlar davalari ile mahkemelerini ziyaret ete edi. Oñi sañki Aqmescitte, subet keçirmek içün alip kettiler.
• Taqıqat areketlerden soñ adamnı bilinmez yönelişke alıp kettiler. O ayttı ki, oñı elektrik aqımnen qıynayıp, poligraf astında malümat bermege bilinmez vesiqalarını imzalamağa mecburladır. Soñ oñı azat ettiler, lâkin qarımtatar halqnıñ hainnen adlandırmağa ve azaplarını devam etmege qorquzdılar. 
• Soñ Nariman Ametov ve Kurtumer Çalgozov videohatipnı yazıp, Qırımdaki FTH hadimlerinnen yapılğan qanunsız areketleri aqqında haber ettiler.

Bizni Telegram’da oquñız