İşğalciler 7 saat devamında memuriy sıñırında ufaq balalarnen qırımtatar ailesini tutqan ediler-Çubarov

Глянько Катерина
·
10:25, 04 Armanay
İşğalciler 7 saat devamında memuriy sıñırında ufaq balalarnen qırımtatar ailesini tutqan ediler-Çubarov
Foto menbası: Суспільне Крим

İşğal etilgen Qırımnıñ sıñırında avgustniñ üçünde sabadan saat 11-inden başlap, 7 saat devamında rusiye “sıñırcıları” Kiyevge eki balanen İslâm ve Dilâra Karaşayevlerniñ ailesini yibermey ediler. 

Bunıñ aqqında qırımtatar halqınıñ Meclis başı Refat Çubarov öz Facebook saifesinde haber etken

Qayd etile ki, Karaşevlerniñ ailesi işğal etilgen Qırımğa Kiyevden qart ana-babalarnı ziyaret etmek maqsadınen kelgenler. 

Çubarovnıñ sözlerine köre, Qırımdan kelgen malümatına binayen, işğalci TH, Herson vilâyetteki memuriy sıñırında tuturken, İslâm Karaşayevni sorğuğa çeke ediler. 

Sorğudan soñ, Karaşayevlerni Herson vilâyetniñ toprağına yibergenler. 

Belli olğanı

  • Belli İslâm Kraşayevniñ işğal etilgen Qırımnıñ memuriy sıñırında tutqanları ilk sefer degil. Böyleliknen, avgustnıñ 25-inde 2018 senesi “Qırım birdemligi”ne “Çongar” yoqlav keçitinde, o, uzun vaqıt devamında alıp tutulğanı aqqında malümat kelgen. 

  • Aynı künü, Karaşayevnen beraber, üç ufaq balanen beraber Devletşayevniñ bütün ailesini alıp tutqnlar. Server Devletşayev öz ailenen beraber (ömür arqadaşı-Dilâra, oğlusı Ömer (6 yaşında), qızları Safiye (9 yaşında) ve Anife (3 yaşında)) avgustnıñ 25-inci künü saba saat 7-de işğal etilgen Qırımdan Ukrainanıñ qıtaiy toprağına “Kalançak” yoqlav keçitinden qayta edi. Qırımğa Devletşayevlerniñ ailesi öz ana-babalarnı ve soy-soplarnı ziyaret etmek içün Qurban bayram arfesinde, avgustnıñ 19-ıncı künü çıqıp ketkenler. 

  • Rusiye sıñırcılarnıñ tarafından şahsiy vesiqalarnıñ teşkerüvinden soñ, TH qoranta başını Serverni alıp tutqanlar, onıñ apayına Dilârağa ise, o, balalarnı alıp Qırımdan çıqa bilgenini aytıllar. Onıñ, o, aqayını qaldırıp nasıl kete bile sualine, aqayı eñ azından üylegece olarda “qalır” dep añlattılar. 

  • Avgustnıñ 25-inci künü 2018 senesi saat 23.00-te Dilâra Devletşayeva balalarnen beraber Ukrainanıñ qıtaiy qısmında buluna edi, onıñ aqayını Server Devletşayevni rusiye işğalciler tutmağa devam ete ediler.  “Kalançak”  yoqlav keçitine kelgen Devletşayevniñ ana-babalarına olarınıñ oğlusı ne yerde yerleşkenini rusiye işğalciler cevap bermegenler. Bunıñ aqqında Refat Çubarov haber etken. 

  • “Qırım birdemligi” haber etkeni kibi, Server Devletşayevniñ ana-babaları oğlunıñ faal qıdıruvlarnı başladılar. 

  • Gece saat 01.30 Devletşayevni yiberdiler. 

  • Rusiye tarafından qırım yarımadasınıñ işğalinden başlap qırımtatarlarnıñ tintüvler ve tutuvlar toqtalmaylar. 

  • Rusiye quvetçileri 6 qırımtatarnı yaqalandılar. İşğal etilgen Qırımda iyülniñ 7-sinde saba erte evlerinde tintüvler keçken edi. 

  • Tintüvler iyülniñ 7-sinde saat 4-te birden işğal etilgen Qırımnıñ 4 rayonında başlağanlar: Bağçasaray, Qurman rayonı, Aqmescit ve Aluştada. 

  • Kütleviy saba tintüvlerniñ vaqtında Qırımda, Sevastyanovka köyünde, işğalci TH-iniñ hadimleri I gruppalı saqatnı Aleksandr Sizikovnı tutıp aldılar

  • 6 adam tutıp alındı: Sizikov Aleksandr, Sufyanov Alim, Hayretdinov Seyran, Ziyadinov Emil, İbragimov İsmet, Bektemirov Vadim. 

  • Öz nevbetinde, Qırım MCinde Ukraina prezidentiniñ vekilligi grajdanlıq mevamınen Ukraina vatandaşlarnıñ izlevine bağlı işğalcilerniñ areketlerni mahküm ete.