Poloniya prezidenti qırımtatar halqnıñ liderlerini devlet ordenlernen mukâfatladi
Poloniya prezidenti Ancey Duda qırımtatar halqnıñ liderlerini yuqarı devlet ordenlernen mukâfatladı. Olar arasında: qırımtatar milliy lideri, Ukraina milliy mebusı Mustafa Cemilev, qırımtatar milliy Meclis başnıñ muavini İlmi Ümerov, Meclis azası, “Avdet” gazetanıñ muarriri Şevket Kaybullayev ve qırımtatar milliy areketnıñ veteranı, Şuraviy Birliknıñ siyasiy mabusı Sinaver Kadırov.
Bunı qırımtatar milliy Meclisnıñ başı Refat Çubarov şahsiy Facebook saifesinde haber etti.
Aytqanına köre, mukâfatlandıruv aqqında emir daa 2021 senesi, aralıq aynıñ 3 imzalanğan edi.
Mustafa Cemilev “Poloniya Cumhuriyeti içün yapılğan yararlıqlar”ordennıñ Balaban haçınnen mukâfatlandırğan edi. Halqlar arasında olğan işbirliknıñ ve munasibetler inkişafnıñ qaviyleştirüvi içün bu eñ qıymetli mukâfatnen sayıla.
Іlmі Ümerovnı “Poloniya Cumhuriyeti içün yapılğan yararlıqlar”ordennıñ Komandan haçınnen mukâfatlandırdılar.
Şevket Kaybullayev ve Sinaver Kadırov “Poloniya Cumhuriyeti içün yapılğan yararlıqlar”ordennıñ Zabit haçlarınnen mukâfatlandırğan ediler.
Refat Çubarov qırımtatar milliy Meclis adından vatandaşlarını bu mukâfatlarnen hayırladı, Poloniya prezidintine çoq yıllıq şuraviy devletnıñ toalitar rejimnen küreşnıñ ve uquq qorucı faaliyetnıñ qıymet kesüvi ve imdatı sebebinden teşekkür bildirtti.
Menba: facebook.com/dogrujol
Belli malümatlar
- Poloniyalı uquq qoruyıcısı Pötr Hleboviç, qırımtatar halqnıñ deputatı ve lideri Mustafa Cemilev, 2022 senedeki dünyanıñ Nobel mükâfatına poloniyalı parlamentniñ (seym) ast palatasınıñ vitse-spikeri Malgojata Gosevskanen namzet olaraq kösterilgenini ilân etti.
- Qırımtatar halqnıñ lideri Mustafa Cemilevni 2009, 2011 ve 2015 seneleri dünyadaki Nobel mükâfatına namzet olaraq kösterdiler.
- Ukraina tış işler nazirnin muavini Emine Ceppar Poloniyağa qırımtatar halqnıñ deputatı ve lideri Mustafa Cemilevnı 2022 senesi dünyadaki Nobel mükâfatına namzet olaraq köstergini içün teşekkür bildirtti.
Bizni Telegram’da oquñız
