Bunıñ aqqında eki amerikalı memurı, cumartesi künü, uvut aynıñ 5, malümatnıñ gizli oluvına köre, adsız şartlarda Reuters’ni bildirdiler. 

Soñki eki afta içinde sıñırdaki rayonında RF batalyon taktik gruppalarnıñ miqdarı, 60’tan 83 soyuna qadar artqanı, daa 14 soyu yolda bulunğanı qayd etile. 

Ücüm müddetlerine dair, sübetdeşlerniñ sözlerine köre, beklenilgeni kibi, topraqnıñ eñ çoq buzlağan vaqtı uvut aynıñ 15 olacaq. Böyle şaraitler rusiye arbiy qısımlarına yolsuzlıq tranzitini mehanizmleştirmege izin berer. Böyle şaraitler saban aynıñ soñuna qadar sürecek. 

Menbalar, Vaşıngtonnıñ fikrine köre, Rusiye, büyük mıqyaslı ücümden ğayrı, başqa variantlarnı, ayrıca sıñırlanğan ücümini seçebile dep qayd ettiler. Aynı vaqıtta AQŞ, RF prezidenti Vladimir Putin, soñki qarar bergenine işanmaylar. 

Amerikalı memurlar şunı qoştılar ki, Putin, bütün stsenariylerni amelge keçirebilgen quvetini yarata eken. 

Tafsilâtlıca oquñız: RF, işğal etilgen Qırımnıñ askeriyleştirüvini devam ete - NYT

“AQŞ resmiy şahıslarnıñ sözlerine köre, Rusiye, Kiyev paytahtına kirse, bir qaç kün içinde onıñ basacaq yeri qalmaycaq”, - denile beyanatta. 

Neşriyatta daa şunı diqqatqa aldılar ki, büyük mıqyaslı ücüm, qurbanlarnıñ büyük sayısına ketirecek. Ukraina, ayrıca, beşten 25 biñine qadar arbiy hızmetçinden marum olabile, Rusiye ise - üçten on biñine qadar. 

“AQŞ qararlarına köre, grajdan ealisi arasında telâfetleri 25’ten 50 biñine qadar olabileler, dedi memur”, - denile malümatta. 

Tafsilâtlıca oquñız: Maxar, Aqrusiyede ve işğal etilgen Qırımda rusiye arbiyleriniñ yañı yoldaş fotoresimlerni yayınladı

Qayd etilgeni kibi, büyük mıqyadlı ücümi, “Avropaüa qaçaqlar ve işinden köçürilgen millionlarce şahıslarnıñ qaçuvına sebebi olacaq”.

Belli olğanı 

• Ukraina silâlı quvetlerniñ baş reberi Valeriy Zalujnıy qayd etkeni kibi, Ukraina şimdi vaqtınca işğal etilgen Qırım ve vaqtınca işğal etilgen Donetsk ve Lugansk vilâyetlerniñ qaytaruvı boyunca arbiy ameliyatlarnı planlaştırmay. 
• Mudafaa naziri Aleksey Reznikov bildirgeni kibi, Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey. 
• The Sun “imkânı olğan cenki” aqqında haber etti ve eñ taze ucum haritanen paylaştı. Oña köre,  Rusiye Ukrainağa kelecek on kün devamında ucumlanmağa ola bile.

Bizni Telegram’da oquñız