Bloomberg saytı, Ukrainağa Rusiyeniñ ücümi aqqında yañlış bildirdi

Присяжнюк Владислава
·
15:17, 05 Kiçikay
Bloomberg saytı, Ukrainağa Rusiyeniñ ücümi aqqında yañlış bildirdi
Foto menbası: Укрінформ

Bloomberg amerikalı agentligi, uvut aynıñ 4-5 gecesine Ukrainağa Rusiyeniñ yañı ücümi aqqında bildirdi. Yaqın vaqıtta “Rusiye Ukrainağa ücüm ete” malümatnıñ serlevası silingen edi, Bloomberg ise hata aqqında beyanatnı alıp çıqardı.

Serlevasınen saife resimini Avropa siyasetiniñ talil merkeziniñ (AQŞ) hadimi Olga Lutman Twitter’de paylaşqan

Qayd etilgeni kibi, agentlik, sahte yayınlavı içün afu sorağan. 

“Stsenariylerniñ çoqusı içün serlevalarnı azırlaymız ve “Rusiye Ukrainağa ücüm ete” serlevası, bugün şarqiy vaqtı boyunca saat 16:00 (Kiyev vaqtı boyunca 23:00) veb-saytımızda tesadüfen yayınlandırılağan edi. Bu hata içün pişmanmız. Serleva silingen edi ve sebepni tetqiq etemiz”, - denile beyanatta.

Belli olğanı 

  • Soñki eki afta içinde Rusiye, vaqtınca işğal etilgen Qırımda ilâve tarzda arbiy hızmetçilerniñ 10 biñ danesini yerleştirdi. Bunen beraber, moto atışlı ve ava-desant bölüklerni de. 
  • Maxar, Aqrusiyede ve işğal etilgen Qırımda rusiye arbiyleriniñ yañı yoldaş fotoresimlerni yayınladı.
  • The Sun “imkânı olğan cenki” aqqında haber etti ve eñ taze ucum haritanen paylaştı. Oña köre,  Rusiye Ukrainağa kelecek on kün devamında ucumlanmağa ola bile.
  • Rusiye, Ukrainanen sıñırına arbiy vertolötlarnı alıp ketirmege başladı. Bu adım tek şunı isbatlaybile ki, ücümniñ planlaştıruvı alâ daa bar, çünki sıñırda rusiye arbiylerniñ sayısı soñki aftalar devamında turğun olıp qala.

Bizni Telegram’da oquñız