Bunıñ aqqında insan aqları boyunca YŞ vazifedar olğan Lüdmila Denisova Facebook’ta yazdı. 

Qayd etilgeni kibi, Başqırtistan Cumhuriyetteki memuriyeti, “terbiyelev cezasını” devam eterek, qırımtatarnı yüksek dımlıkıq ve antisanitariyanen mağaz odasındaki yalıñız kamerasına nevbetteki sefer yerleştirdi.

“Teymur, 2020 senesi saban aynıñ 7’den başlap RF’da qanunsız tevqif etüvinde buluna. Tahminen bütün bu vaqıt içinde cezahaneniñ cezalav taqiqat tevqifhanesinde keçirdi. Tutuvnıñ qattı şaraitlernen avlasına onı tek qısqa müddetine kirseteler. Teymur, cezahanede bulunaraq, cezahanege alıp ketirilgen “omoncılar” onda tintüv keçirip soy-soplarnen alıp ketirilgen şeylerni çöplükke atalar”, - qayd ete Denisova. 

Daa şunı qayd ete ki, taqiqat tevqifhanesinde Teymurnıñ daimiy munderecesi basqılarnen aynı seviyesinde olğan ve insan aqlarınıñ ve ömürge aqnıñ esas serbestlikler aqqında şartnameniñ 2 ve 3 maddelerni bozğan beden ve ruhiy basqısınıñ şekillerinden biri ola. 

“RF’da insan aqları boyunca vazifedar olğan Tatyana Moskalkovağa Teymur Abdullayevniñ aqlarınıñ qaytarılmasını temin etmege çağıruvınen muracaat etem: tutuv şaraitlerni mabuslarğa munasebetiniñ azğariy qaidelerine köre alıp ketirme”, - yaza ombudsmen.

Belli olğanı

• Teymur Abdullayevni 2020 senesi saban aynıñ başından 2021 senesi kiraz ayına qadar bütün vaqıt içinde cezahanedeki taqiqat tevqifhanesinde tutula edi. 2020 senesi arman ayında onı qısqa vaqıtqa tutuvnıñ qattı şaraitlernen kamerasına keçire ediler, qasım-ilk qış ayında COVID-19 hastalanuvı sebebinden karantinge. Qalğan vaqıtnı Abdullayev cezalav taqiqat tevqifhanesinde keçirecek.
• 2021 senesi uvut-saban aylarında onıñ gopertonik krizi başlanğan, buna köre, bazı vaqıt içinde cezahanede yataq rejiminde buluna edi. Yazda cezahanede nevbetteki bulunuv müddetiniñ bitüvinden soñ Teymur Abdullayevni bazı vaqıtqa tutuvnıñ qattı şaraitlernen avlasına yolladılar. Amma keççe onı cezahanege muntazam sürette yollamağa başladılar. 
• Qırımlı Teymur Abdullayevni 16,5 yılğa azatlıqtan marum etip 1 yıl ve dört ayğa memuriy közetüvine mahküm ettiler, onıñ ağası Üzeir Abdullayevni - 12,5 yılğa azatlıqtan marum etüvine. Ekisi, Salavat ş. cezahanelerinde tutıla. 
• Qırımtatar siyasiy mabusı Teymur Abdullayevniñ anası Dilâra, Ukraina prezidenti Vladimir Zelenskiy ve RF prezidenti Vladimir Putinni onıñ oğlusınen bağlı vaziyetini öz nezareti astına alıp oña tibbiy yardımnıñ berilmesi içün kerek olğan bütün tedbirlerni qullanmağa rica etken. Onıñ oğlusı, CTT’de tibbiy yardımsız can bere bile dep qorqa. 

Bizni Telegram’da oquñız