“Qırım musulmanlarnıñ davasınıñ” figurantı Seytveli Setabdiyevge taqiqat tevqifhanesinde tibbiy yardımı berilmey

Присяжнюк Владислава
·
16:54, 04 Kiçikay
“Qırım musulmanlarnıñ davasınıñ” figurantı Seytveli Setabdiyevge taqiqat tevqifhanesinde tibbiy yardımı berilmey
Foto menbası: Кримська солідарність

Aqmescitteki “Hizb ut-Tahrir davasınıñ” figurantı, qırımlı Setveli Seytabdiyeniñ sağlıq alına baqmadan, oña taqiqat tevqifhanesinde kerek olğan tibbiy yardımı vaqıtta berilmey.

Bunıñ aqqında Akim Bekirov, Eskender Suleymanov, Seytveli Seytabdiyev, Rustem Seythalilov ve Asan Yanikovnıñ davasında rusiye Cenübiy arbiy bölge makemesinde olğan oturışnıñ yekünine köre, advokat Safiye Şabanova tarif etti, bildire “Qırım birdemligi”. 

“Uvut ayından başlap onı körgende, onıñ alı yaramay edi, köşede yumulğan közlernen otura edi. Dayanamayıp makemede şefaat aqqında bildirdim. Acele yardımını çağırayıq, çünki makemelengen özüni yaramay is ete dep ayttım. Makeme, teneffüsni ilân etip şefaatnı qanaatlendirdi. Acele yardımı kelgen ve PZR-testlersiz o, adiy bir KNVY olğanını qarar berdiler”, - tarif etti Şabanova İçtimaiy Qırımğa tefsirinde. 

Advokat qayd etkeni kibi, acele yardımınıñ ekimleri basım ve saturatsıya yahşı olğanını dep ayttılar. Bundan da ğayrı, oña iç bir ilâç bermeyip sanitar qısmına muracaat etmege teklif ettiler. 

Belli olğanı 

  • Keçken yılnıñ ilk küz ayında rusiye Cenübiy arbiy bölge makemesi, Aqmescitteki “Hizb ut-Tahrir davasınıñ” figurantları Seytveli Setabdiyev, Akim Bekirov, Rustem Seythalilov, Asan Yanikov ve Eskender Suleymanovnıñ tevqifini 2021 senesi ilk qış aynıñ 15 qadar uzattı.
  • 2021 senesi qara qış aynıñ 18 Asan Yanikov ve Aqmescitteki ekinci “Hizb ut-Tahrir davasınıñ” başqa figurantı Seyceli Setabfiyev işğal etilgen Aqmescitten Rostov-na-Donudaki 1’ci taqiqat tevqifhanesine alıp keçirdiler.

Bizni Telegram’da oquñız