Bunı Gazeta Prawna bildire. 

Qayd etilgeni kibi, qararnıñ qabul etüvi içün rey berüvinde iştirak etken bütün 92 senatorı rey bergen. 

Tafsilâtlıca oquñız: Gürcistan parlamenti, Ukrainağa destek olaraq qararını qabul etti

Senat, Ukraina ölüm telükesine rastlelgenine köre, oña maliyeviy ve siyasiy destegi, ülkeni silânen temin etilmesi ve ukrain arbiylerniñ azırlanuvında NATO ülke azalarından askerlerniñ iştirağına qol tutqanını qayd etti. 

“Bugün, Ukraina ölüm telükesi ögünde turğanda - nevbetteki ücüm telükesi ögünde, Poloniya Cumhuriyetiniñ akimiyeti qomşumızğa işançlı tarzda qol tutqanı pek muim. Serbest Ukraina- Poloniyanıñ telükesizlik kefaletlerden biridir”, - denile qararda. 

Daa senatorlar qayd etkenleri kibi, Rusiye, Ukraina sıñırlarında tanklar, ağır artilleriyası, gemiler ve cenkâver aviatdıyasınen temin etilgen büyük ordusını toplağan. O ise - Ekinci cian cenk vaqıtlardan beri eñ büyük silâlı davasınıñ peyda oluvına ketirebile. 

Tafsilâtlıca oquñız: Maxar, Aqrusiyede ve işğal etilgen Qırımda rusiye arbiyleriniñ yañı yoldaş fotoresimlerni yayınladı

“Bu müzakereniñ şartı, ukrain sıñırından rusiye arbiylerniñ başqa yerge çeküvi ola”, - qayd etile qararda. 

Poloniya Cumhuriyetiniñ senatı da Rusiyenen müzakeresi ola bilgeninde emin, amma Avropada sıñırlarnıñ tiyilmemezlik ümdesini yıqqan arbiy şantajı vaziyetinde olunmaz. 

Bizni Telegram’da oquñız