Bu aqta “Moskovskiy komsomolets” rusiye gazetasında söz yürsetile. 

Maqalede şusı aytıla ki, Aqyarnıñ işğal akimiyeti rotaviruslı hastalarnı COVID-19 hastaları içün hastahanesi olaraq yañıdan qurulğan infektsiyalı hastahanesine yöneteler. 

İşğal Kefede ailenen beraber rotavirusnı keçirgen Moskvadaki turistlerden biriniñ teesuratlarına köre, alâmetlerden sıcağı ve midede şiddetli ağrısı qayd etile. Bundan ğayrı, o “qorqunçlı qara şingenliknen” qusa edi. 

“Aqayım eki kere acele yardımnı çağırğan edi, amma meni hastahanege yatqızmağa red ete ediler, hastahanede yer yoq edi, menim alım ise ekimler içün qorqunçlı olmağan edi”,- qayd etti rusiye turisti. 

Tayinlengen tedaviylüvinden üç kün soñra turistniñ alı daa yahşı oldı, amma yürek bulanuvı ve mide ağrısı ale daa bar. 

Maqalede yazılğanı kibi, iyül-avgust ayları deñiz suvnıñ yüksek derecesi içün, deñizge kanalizatsiyadan oğrağan bakteriyalar, vızlı sürette çoqlaşıp daa çoq adamnı yutquralar. Bu sene işğal Qırımda, ayrıca Aqyar, Aluşta, Kefe ve Köktebelde turistlerniñ büyük kelip turuvı sebebinden hastalıq vaqianıñ miqdarı keskin tarzda östü. 

“rotavirus infektsiyasından yahşı etip qorçalanmaq tek  kanalizatsiya deñizge arıtıluvısız aqqan yerlerde yuvunmasını tamamınen çıqarıp mümkün”,-dep añlata işğal etilgen Kefedeki emşiresi. 

Bundan da ğayrı, yuvunması içün daa yahşı, deñizden eñ azından eki kilometrden yerleşken, meskün yerlerdeki körfezlerni seçmek. 

Belli olğanı

• Rotavirus infektsiyası-keskin virus infektsiyasıdır. Hastalıqnıñ ilk alâmetleri: mide ve içeklerdeki nefes körünüvlernen ağrısıdır. Hastalarnı yürek bulanuvı ve bol qusuvı qasevet ete. Rotovirus infektsiyanen er yaş grupası hasta ola.