Bunıñ aqqında o brifingde aytqan. 

Kuleba, tahminen 10 yıl müzakerelerni keçirtken serbest ticareti aqqında añlaşmanıñ Türkiyenen imzalavını qayd etti. 

Uçaqsızlıqlarnıñ işlep çıqarılmasında işdeşlikni TİN başı, “eki devletniñ mudafaa qabiliyetiniñ strategik quvetleştirüvi” dep adladı. 

“Ukraina Türkiyenen imzalağan vesiqalarnı cenk arfesinde ya da turğunsızlaşuv vaqıtta imzalamağanını ayrıca qayd etmege isteyim. Bu añlaşmalarnıñ tizüvi - büyün qorqutuvlarğa baqmadan Ukraina bugün emin olıp inkişaf etkeniniñ daa bir isbatıdır. Ortaqlar ise Ukrainağa işanalar”, - dedi tışqı işler naziri. 

Tafsilâtlıca oquñız: Ukraina ve Türkiye serbest ticaret zonasınıñ teşkil etüvi aqqında añlaşmanı imzaladılar

Daa qayd etkeni kibi, Moskva tarafından qorqutuv strategiyası çalışmay. 

“Bu raundnı Rusiye yutquzdı. Havflar daa bar, ve vaqialarnıñ er bir stenariyine azırlamağa devam etemiz, amma bu raundnı Rusiye yutquzdı”, - yekün çekti Kuleba. 

Bizni Telegram’da oquñız