Ukrain siyasiy mabusı Şiringge 12 yılğa ükmü, amelge keçirilgen
Qırımdaki işğal makemesi, “Ukraina Mudafaa nazirligindeki istihbaratınıñ baş isaresiniñ agenti” Konstantin Şıringine ükümni ilân etti eken. Erkekni qattı nizamlı cezahanesinde 12 yılğa azatlıqtan marum etüvine mahküm ettiler, imaye tarafınıñ istinafını red ettiler.
Bunıñ aqqında cuma künü Rusiye FTH grajdan bağlar merkezinde ilân ettiler, bildire TASS.
Qayd etile ki, 1960 d.t. Ukraina vatandaşı, “Ukraina Mudafaa nazirligindeki istihbaratınıñ baş isaresiniñ agenti” Şıring Konstantin Semönıviç, qattı nizamlı cezahanesinde ceza aluvı boyunca 12 yılğa azatlıqtan marum etüvini tayin etken Qırım Yuqarı makemesiniñ yeküni quvetni alğan.
“İstinaf şikâyetiniñ qanaatlendirmesi, umumiy yürisdiktsıyasınıñ üçünci istinaf makemesinen red etildi”, - haber ettilet işğalcılar.
Belli olğanı
- FTH hadimleri Şıringni işğal etilgen Qırımda 2020 senesi saban ayında “ukrain arbiy istihbaratınıñ meraqlarında casuslıq faaliyeti” içün tutıp aldılar. Rusiye idaresiniñ malümatına köre, “devlet hainligi ve casuslıq aqqında” cinaiy davalar açılğan edi.
- 2021 senesi orta küz aynıñ 14 Qırımnıñ yuqarı işğal makemesi, 61 yaşındaki ukraini Konstantin Şıringnı 12 yılğa azatlıqtan marum etti. Onı “casuslıqta” qabaatladılar. Prokuror debatlarda 14 yılğa azatlıqtan marum etüvini istey edi, imaye tarafı ise - Konstantin Şıringniñ aqlamasını.
Bizni Telegram’da oquñız
