Bunıñ aqqında işğal neşriyatı “Qırım inform” bildire. 

“Elbet de, evelden vazifedar mecburiyetlerimni müzakere ettik, sıñırdan tış vatandaşlarımıznıñ aqqınıñ imaye etilmesi olacaq. Ayrıca - Ukrainada. Men içün o, faaliyetiniñ yañı saası degil, çünki ep insanlar aqqı, barışıqlıq, telükesizliginen oğraşa edim. Rusiye-ukrain tecribem mında faydalı olacaq. Ukrainanen bir birimizge daa yaqın olamız”, - ilân etti Poklonskaya. 

Daa qoşqanı kibi, vazifedar mecburiyetleriniñ eda etilmesine kelecek aftada keçecek.

Qayd etilgeni kibi, sabıq prokuror, öz vazifelerniñ çerçivelerinde “sıñırdan tış vatandaşlarınen körüşüvlerni keçirmege planlaştıra”.

Belli olğanı

• Rusiye TİN haber etkeni kibi, aabıq prokurorı Natalya Poklonskaya, şahsiy sebeplerden Kabo-Verdege elçi olaraq ketmeycek. 
• Rusiye prezidenti Vladimir Putin, sabıq ukrain prokurorı Natalya Poklonskauanı Kabo-Verdede elçi olaraq tayin etti. O, Afrikadaki adalı ülkesi ola.
• 2014 senedeki işğalden evel, Natalya Poklonskaya Ukrainanıñ prokuratura organlarında çalışa edi. 2014 senesi, baarde, işğalcılar onı Qırımnıñ “prokuror” vazifesine tayin etkenler.O, Rusiyede ve işğal etilgen Qırımda qırımtatar halqnıñ Meclis faaliyetini yasaq etken edi. 
• Ukrainanıñ qıtaiy qısmında oña qarşı cinaiy işler açılğan edi, devlet hainligi sayesinde de. Daa o AB ve başqa ülkelerniñ sırasında sanktsiyalı cedvellerinde buluna. 

Bizni Telegram’da oquñız