İşğal etilgen Qırımda ücüm içün uruş gruppalarnıñ şeklenüvi körünmey - Reznikov

Присяжнюк Владислава
·
12:26, 03 Kiçikay
İşğal etilgen Qırımda ücüm içün uruş gruppalarnıñ şeklenüvi körünmey - Reznikov
Foto menbası: Liga.net

Rusiye Federatsıyası, vaqtınca işğal etilgen Qırımnıñ askeriyleştirüvini devam ete, lâkin ücümge azır olğan uruş gruppalarnıñ şeklenüvi anda körünmey.

Bunıñ aqqında mudafaa naziri Aleksey Reznikov, brifingde tarif etti, bildire Ukrinform.

Tafsilâtlıca oquñız: Maxar, Aqrusiyede ve işğal etilgen Qırımda rusiye arbiyleriniñ yañı yoldaş fotoresimlerni yayınladı

“Qırımda askeriyleştirüv, vaqtınca işğal etilgen territoriyasınıñ poligon olaraq qullanuvı devam etile, biz Rusiye Federatsıyasınıñ silâlı quvetlerdeki bölükleriniñ çıqışını-kirüvi közetemiz. Amma bugünli kümüne qadar uruş zümreleşmelerniñ şeklenüvi qayd etilmegen ve o, azırlanuv ceetinden ücümden evel olunmay”, - qayd etti nazir. 

Belli olğanı

  • Bazarertesi künü, qara qış aynıñ 31, Qara deñizde RF arbiy oqutuvları bittiler. Gemiler daimiy yerleştirüv noqtalarına qayttılar.
  • Arbiy idmanlarnıñ zemininde RF, Baltıq deñizge arbiy azırlanuvınıñ planlaştırılğan tedbirlerniñ çerçivelerinde vazifelerniñ eda etilmesi içün 20 arbiy gemisini alıp çıqardı. 
  • 10 biñden ziyade rusiye arbiy hızmetçisi, işğal etilgen Qırımda ve Rusiye vilâyetlerindeki poligonlarında yañı yılda ilk derslerini başladı. 
  • Yanvar aynıñ 9 RF Qradeñız flotnıñ arbiy deñız quvetleri işğal etilgen Qırımda nevbetteki oquşlarını keçirdiler.
  • Qara qış aynıñ 8 RF Qara deñiz flotı, işğal etilgen Qırımda, Novorossiyskte ve toqtav yerlerinde furtunalı ava şaraitlerinde nevbetteki qurtaruv quvetlerinen idmanlarnı keçirdi.
  • AQŞ Ukraina sınırları boyu yañı arbiy oquşlar sebebinden Rusiyeden añlatuvlarnı bekleyler.

Bizni Telegram’da oquñız