Felemenk, Qırımnıñ deokupatsıya meselesinde Ukrainanen işdeşligine azır - Zelenskiy

Присяжнюк Владислава
·
14:26, 02 Kiçikay
Felemenk, Qırımnıñ deokupatsıya meselesinde Ukrainanen işdeşligine azır - Zelenskiy
Foto menbası: Укрінформ

Felemenk Qırallığı, Qırımnıñ deokupatsıya meselesinde Ukrainanen işdeşligine azırlığında inandırdı.

Bunıñ aqqında Ukraina prezidenti Vladimir Zelenskiy, Felemenk Qırallığınıñ baş-naziri Mark Rüttenen KHV vekillerinen umumiy körüşüvinde bildirdi, haber ete Ukrinform. 

“Felemenk ve ayrıca baş nazir Rütte, suverenitetimiz, territorial bütünligimizge qol tutıp Qırımnıñ deokupatsıya maqsadı ile işdeşlikke azırlığını bildireler”, - dedi prezident.

Zelenskiyniñ sözlerine köre, Felemenk, Avropa Birligi ve NATO çerçivelerinde Ukrainanıñ pek müim ortağı ola. 

“Avropada eñ esas ortaqlarından biri ve ukrain iqtisadiyatına  eñ büyük yatırımcılarından ekinci soyu. Eki taraflama kün tertibimiz mündericeli olğanı hucur degil. Bunı müzakerelerimizniñ neticelerine köre qabul etilgen umumiy arizası da isbatlay”, - dep qoştı o.

Belli olğanı 

  • Uvut aynıñ 2 Ukraina prezidenti Vladimir Zelenskiy ve ülkemizde iş ziyaretinen bulunğan Felemenk Qırallığınıñ baş-naziri Mark Rütteniñ körüşüvi olıp keçti. 

Bizni Telegram’da oquñız