Bunıñ aqqında Qırım uquq qoruyıcı gruppası bildire. 

“Cenübiy arbiy bölge makemesinde devlet qabaatlayıcı, qırım siyasiy mabusı Vadim Bektemirovğa qattı nizamlı cezahanesinde 12 yılğa azatlıqtan marum etüvini istedi”, - denile beyanatta.

Uvut aynıñ 10 bu “davası” boyunca munaqaşalar ötkerilecegi qayd etile. 

Belli olğanı

• Bektemirovnı terroristik teşkilâtınıñ faaliyetinde iştirak etkeni içün qabaatlaylar (RF CK 205.5 m. 2 q.).
• O, 2020 senesi oraq aynıñ 7 Qırımda kütleviy tintüvler vaqtında tevqif etilgen edi. Rostov-na-Donudaki taqiqat tevqifhanesinde tutula. 2021 senesi mayıs aynıñ 26 “Bektemirovnıñ davası”, Cenübiy arbiy bölge makemesinde baqılmağa başladı. 

Bizni Telegram’da oquñız