4567’ci uyğun qararı içün 229 parlamentçisi rey bergen. 

Qabul etilgen vesiqağa izaatnamesine köre, VTK esas vazifesi, Qırım Muhtar Cumhuriyetiniñ vaqtınca işğaline imkân yaratqan aqiqatlar ve şahıslarğa dair malümatlarnıñ, Ukraina uquq qoruyıcı organlarınen QMC vaqtınca işğaline imkân yaratqan şahıslarğa dair cinaiy davalarnıñ ve aqiqatlarnıñ teşkerüvi ola. Bundan da ğayrı, komissiyanıñ faaliyeti, malümatnıñ tesbit etilmesi ve toplanuvını ve icra etken merkeziy ve yerli akimiyet organlar, işhaneler, müessiseler, teşkilâtlarnıñ şahıslarından ve Qırımnıñ vaqtınca işğaline dair meselelernen bağlı olğan faaliyetiniñ eda etilmesine celp etilgen yerli belediye organlar ve olarnıñ vazifedar şahıslarından añlatuvlarnı köz ögünde tuta. 

Tafsilâtlıca oquñız: Ukraina, Qırımnı dünyanıñ kün tertibine qaytardı - devlet başı

Böyleliknen, yuqarıda qayd etilgen malümatlarnıñ teşkerüv netecelerine köre, VTK, Ukrainanıñ qanunnamesinen tesbit etilgen mesüliyetke qabaatlı olğanlarınıñ celp etüvi aqqında meselesini teşebbüs etmek kerek. 

Komissiya başı olaraq halq deputatı İgor Kopıtin (“Halq hızmetçisi” parlament fırqası), onıñ muavini - Grigoriy Nemırâ (“Batkivşçina” ukrainara birleşmesi” parlament fırqası) seçip alınğan. 

VTK miqdar terkibi - 10 şahıs. Parlamentniñ vaqtınca uyğun tahqiqiy komissiyasınıñ yararlıq müddeti onıñ teşkil etüv kününden bir yıl ola. 

Bizni Telegram’da oquñız