Bunıñ aqqında “Rada” parlament kanalı bildire. 

Deputatlarnıñ bir qaç onluğı, Rusiye ile azatlıqtan marum etilgen qırımlılarnıñ adlarınen futbolkalarda tribunağa çıqtılar.

Halq deputatı Mariya Mezentseva (“Halq hızmetçisi”), doquzıncı çağıruvınıñ Ukraina Yuqarı Şurasınıñ yedinci sessiyası vaqtında belli ukrain sanatkârı Sergey Maydukovnıñ icadını taqdim etken. 

Bu tedbirge tasvirni The New Yorker, The Guardian, The Wall Street Journal neşriyatlarnen çalışqan ukrain ressamı Sergey Maydukov işlep çıqarğan.

“Bu timsalnı ukrainlerge ve bütün dünyağa bugün ukrain Qırımnıñ qanunsız tarzda işğal etilgen territoriyalarında ve Rusiye türmelerinde tutulüan 121 insan, ukrainler ve qırımtatarlar bar olğanımız aqqında tarif etmek içün”, - tarif etti Mezentseva.

“121.Qırım siyasiy mabusları” tedbiri, Kreml mabuslarınıñ meselelerine diqqatını celp etmege ve olarnen birdemligini köstermege çağırılğan. “Er soyadını hatırlamaq ve onıñ tarihını bilmege mecburiyetimiz ola”, - çağırğan AŞPA’da Yuqarı Şurasınıñ daimiy murahhaslarnıñ başı.

Menba: Ukrain aqiqatı

Ukraina halq deputatı Rustem Umerov, öz ailelerine ukrain siyasiy mabuslarnıñ qaytaruvınıñ muimligi aqqında qayd etti.

“Sizge bugün alıp berilgen futbolkalarda - vaqtınca işğal etilgen Qırımda qanunsız sürette azatlıqtan marum etilgen ukrain siyasiy mabuslarnıñ adları. Siyasiy mabusınıñ er soyadı artında - olarnıñ aileleri: olarnı yıllarca beklegen ömür arqadaşları, anaları ve balaları”, - ayttı Umerov. 

Nariman Celâlovnıñ tevqifinden soñ ilk mektüplerden biri aqqında da hatırlatqan. Anda faal şunı yaza edi ki, Rusiye ve olarnıñ rejimine dair onıñ iç bir boş hayalı yoq, amma onı ve 120 insanımıznı evge qaytarmaq içün Ukraina bütün küç-quvetini bere.

“Duşman ile tevqif etilip operativ haberlerine irişimsiz ve işğalcılarnıñ daimiy basqısı astında olğanda, bu tedbir aqqında Kiyev ya da başqa şeerden er haber, seniñ azat etüvi oğrunda küreşkenleri, seni unutmağanları ve bütün uquqiy ve diplomatik yollarınen evge qaytarmağa tırışqanlarınıñ muim signalı ola. Bugünki tedbiri olğanı kibi, böyle signallarnıñ sayısı daa çoq olmalı”, - yekün çekti Rustem Umerov.

Bizni Telegram’da oquñız