Zelenskiy, ülkeniñ mudafaa qabiliyetiniñ pekitüvi aqqında emirni imzaladı. O, neni köz ögünde tuta?
11:37, 01 Kiçikay
Foto menbası: Офіс Президента
Ukraina prezidenti Vladimir Zelenskiy, ülkeniñ mudafaa qabiliyetini pekitip arbiy hızmetiniñ prestijligini eyileştirmek kerek olğan emirni imzaladı.
Bunıñ aqqında o Yuqarı Şırasında çıqışı vaqtında ilân etti.
Prezidentiniñ sözlerine köre, bu emir şunı köz ögünde tuta ki:
- eñ azdan üç azğariy aylıgınıñ seviyesine arbiy hızmetçileriniñ qazançınıñ köterilmesi;
- mütehassıs ordusına Ukrainanıñ keçüvini;
- arbiy hızmetçiler, veteranlar ve olarnıñ aileler azalarınıñ mesken yernen temin etilmesi qavrayışnıñ işlep çıqarılmasını;
- muqaveler müddetiniñ uzatılmasını;
- ofitserlerniñ karyera köterilüv sistemasını;
- üç yıl içinde 100 biñ mütehassıs hızmetçisine USQ sayısınıñ arttıruvını;
- Ukraina silâlı quvetleriniñ ilâve 20 brigadasınıñ teşkil etilmesini.
“Bu emir - mütehassıs ordusına Ukrainanıñ keçüvi, bu emir - yaqın vaqıtta cenk olacaq içün degil, bu emir, yaqın vaqıtta ve ileride Ukrainada barışıqlıq olsun dep”, - dedi Zelenskiy.
Bizni Telegram’da oquñız