Kiyevniñ merkezinde Vıgovskıy mabusnıñ destegine kökte uçaçıqlarnen tedbir keçirildi
Kiyevde, Maydan Nezalejnosti`de “Valentin Vıgovskıy içün uçaçıqlar” tedbiri olıp keçti. O, uçaq aveskârı, onı, 2014 senesi rusiye mahsus hızmetleri Aqyarğa aldatıp çıqarıp, casuslıqta qabaatlap, Rusiyedeki Kirov vilâyetiniñ cezahanesinde qattı nizamına 11 yılğa mahküm ettiler. Tedbirni sabıq mabusı ve rejissör Oleg Sentsov ziyaret etken.
Bunı Suspilnıy’nıñ mühbiri haber etken.
Tedbir Vıgovskiyniñ doğğan kününe bağışlanğan. Avgustnıñ 3-ünci künü o 37 yaşına kirgen. Tedbirde onlarnen adam toplağan, olarnıñ arasında ukrain avia qurucıları, serbest etilgen mabuslar, akimiyet vekilleri ve uçaq aveskârnıñ ailesi.
Tedbir çerçivesinde adamlar, Rusiyede qanunsızca tutıp alınğan Vıgovskiy ve başqa mabuslarnıñ destegine yüzlerce renkli uçaqnı uçurdılar.
Onıñ babası Pötr Vıgovskiyniñ aytqanına köre, mabusnı ömür arqadaşı ve oğlusı bekley. Ömürniñ yarısı oğlan babasını körmedi. Buna baqmadan, Vıgovskiyniñ keyfi bozulmay.
Şusı qayd etile ki, tedbirni grajdan faalleri teşkil etmege yardım etkenler, uçaçıqlarnen kelgenleri ise, Vıgovskiy balalıqtan berli uçaq aveskârı olğanı sebebindedir.
Belli olğanı
- Qırım resurs merkezi grajdan teşkilâtınıñ uquq qoruyıcıları 2019 senedeki 335 tevqifni qayd ettiler, olardan 43- yañı cinaiy işler boyunca. Keçken sene içinde 33 ükmü çıqarıldı, 252 qararı tevqifniñ devam etilmesi aqqındadır.
