Bunıñ aqqında insan aqları boyunca Yuqarı Şurasınıñ vekâletli olğan Lüdmila Denisova Telegram’da bildirgen. 

Qayd etkeni kibi, işğal makemesi, “RF sıñırınıñ qanunsız keçüvi” ve “silânıñ qanunsız qullanuvı” içün qırımtatar halqnıñ lideri üzerinde qanunsız ğıyabiy makeme oturışını keçirdi. 

Bundan da ğayrı, Rostov-na-Donudaki Cenübiy arbiy bölge makemesinde Tofik Abdulgaziyev, Vadlen Abdulkadırov, İzzet Abdullayev, Mecit Abdurahmanov ve Bilâl Afilovdan ibaret olğan “ekinci aqmescit gruppadaki iştirakçılarına dair “Hizb ut-Tahrir” davasında makeme oturışı olunacaq. Oturış vaqtında davanıñ baquvı planlaştırıla.

Tafsilâtlıca oquñız: “Tibbiy yardımına olarnıñ ihtiyacı bar”. Ukraina konsulları Qırımdaki siyasiy mabuslarınen rusiye taqiqat tevqifhanesinde körüştiler

Denisova, Rostov-na-Donudaki Ukraina baş konsulı Taras Malışevskiy ve halqara uquq qoruyıcı teşkilâtlarnı qanunsız tarzda tutulğan Ukraina vatandaşlarnıñ aqlarnıñ bozuluvına izin bermemesi ve imaye etüv ve adliye makemesi içün qanunsız makeme oturışlarnı ziyaret etmege çağırdı. 

Belli olğanı 

• Qırımda Rusiye tahqiqiy kommitetiniñ işüal idaresi, 2020 senesi çiçek aynıñ 13 Mustafa Cemilevni rusiye Cinaiy kodeksiniñ üç maddesi boyunca qabaatladı: “Rusiyege kirmege yasaq etilgen ecnebiy vatandaşlarnen Rusiye sıñırınıñ keçüvi, evelden añlaşqan şahıslar gruppasınen yapılğan edi (Rusiye CK 322 m. 3 q.); ağır aqibetlerine ketirgen olsa başqa şahısnen onıñ qullanuvı içün şaraitlerni yaratqan nariye silânıñ mıqaytsız qullanuvı (Ukraina CK 224 m.); arbiy yedeklerniñ qanunsız tarzda satın alıvı ve saqlanuvı (Rusiye CK 222 m. 1 q.)”.
• Qırımtatar halqnıñ milliy lideri Mustafa Cemilevge 2034 senesine qadar Rusiyege işğal etilgen Qırımğa kirmege yasağını devam ettiler.

Bizni Telegram’da oquñız