Bunıñ aqqında “Qırım birdemligi” bildire. 

Qayd etilgeni kibi, devlet qabaatlayıcı, evelki oturışta başlanılğan qabaatlav yeküniniñ ilân etüvini bitirdi, tarif etti “Qırım birdemligine”  Aleksandr Sizikovnıñ advokatı Safiye Şabanova. Bundan soñ qabaatlanğanlarnıñ üçü, öz qabaatsızlığı aqqında bildirdi.

“Olarnıñ episi, qabaatnı tanımay dep ayttı ve şaatlıq etmege istey”, - bildirdi advokat. “Daa bugün isbatlarnıñ tetqiq etüv sırasını tesbit ettiler - ilk olaraq qabaatlav tarafı delillerni kösterecek, kelecek oturışta qabaatlav şaatlarnıñ sorğuğa çeküvi planlaştırıla, sorğular ve yazılğan isbatlavlarnıñ alıp berilmesinden soñ imaye taraftaki delillerniñ tetqiq etüvine keçecegimiz”, - dedi Safiye Şabanova.

Dava boyunca kelecek oturışı, uvut aynıñ 22’ne tayin etilgen. 

Belli olğanı 

• Keçken oturışta makeme, dava iştirakçılarına  sıñırlama tedbirini üç ayğa uzattı - Aleksandr Sizikov ev tevqifinde qalğan, Alim Sufyanov ve Seyran Hayredinov ise - 2020 senesi çiçek aynıñ 20 qadar taqiqat tevqifhanesinde.
• 2020 senesi oraq aynıñ 7 kütleviy tintüvler vaqtında yedi insan tutıp alınğan edi. Aqmescit şeeriniñ Kiyev rayon makemesi, tutıp alınğanlarnıñ altısı içün tevqif astında tutuvı olaraq sıñırlama tedbirini seçip alğan.
• İsmet İbragimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov makeme zalında tevqif etilip Aqmescitteki tahqiqiy tevqifhanesine kirsetilgen ediler. Körüv boyunca I gruppadaki saqatlı olğan Aleksandr Sizikov, ev tevqifine yollanılğan edi.  

Bizni Telegram’da oquñız