Ukrain vatandaşı, işğal etilgen Qırımğa arbiy yedeklerni alıp kirsetmege tırışqan edi
13:22, 31 Qaraqışay
Foto menbası: Суспільне Крим
Ukrainanen vaqtınca işğal etilgen Qırımnıñ memuriy sıñırında yerleştirilgen “Qalançaq” KÇNN’da yarımada territoriyasına arbiy yedeklerni kirsetmege tırışqan ukrain vatandaşı tutıp alınğan edi.
Bunıñ aqqında Ukraina devlet sıñır hızmetiniñ Hersondaki sıñır avlasınıñ matbuat hızmeti bildire.
Tafsilâtlıca oquñız: “Qalançaq” KÇNN’da havflı nesnelerniñ tapılması içün aletlerni pekiteler
“Böyleliknen, Qalançaq KÇNN’na vaqtınca şüal etilgen Qırım tarafına yol tutqan Ukraina vatandaşı kelgen. Rentgen-televizion introskopnıñ yardımı ile şeylerniñ baquvı vaqtında sıñırcılar 7.62 mm kalibrli 5 patronnı ve gilzanı taptılar”, - denile beyanatta.
Belli olğanı
- Yıl içinde sıñırcılar işğal etilgen Qırımğa ve keri tarafına 660 biñden ziyade insannı kirsettiler.
- 2021 senesi ilk qış aynıñ 7’den Ukrainanıñ vaqtınca işğal etilgen territorayalarnıñ Reintegratsıya nazirliginen 2021 senesi qasım aynıñ 23’den “İşğal etilgen Qırımnen memuriy sıñırından naqil etüvine yasaq etilgen ya da sıñırlanğan mallar cedveliniñ tesbit etüvi aqqında” 258’ci emiri amelge keçirilgen.
Bizni Telegram’da oquñız