Bunıñ aqqında Alyansnıñ baş kâtibi Yens Stoltenberg BBC intervyüsinde bildirdi. 

Qayd etilgeni kibi, Ukraina sıñırlarındaki vaziyeti aqiqiy telükesini yarata ve NATO, siyasiy qararı üzerinde çalışmağa devam etecek.

Stoltenberg, Alyans ülkelerde arbiylerni açmağa planlaştırmağanını qayd etip Ukraina etrafında kerginlikniñ arttırmasına dair “balanslanğan yanaşuvına” çağırğan.

Tafsilâtlıca oquñız: Stoltenberg Rusiyenı Ukrainağa ucumnıñ “neticeleri” aqqında tenbiledi

Onıñ sözlerine köre, Alyans, mudafaa sistemalarnı zemaneviyleştirip rusiye tecavuzına qarşı turmağa Ukrainağa yardım ete, NATO ülke azaları, Britaniya ile yañı tankqa qarşı raketalı komplekslerniñ alıp berilmesi kibi mudafaa silânı alıp bereler.

“İmaye etilmesi içün Ukrainanıñ fırsatlarnı quvetleştirmek içün oña yardım etmek içün çoq şey yapamız. Amma Ukraina, NATO azası degil, buna köre, Alyanstaki ülke azasına ücüm vaqtında ortaq mudafaası aqqında qaidesi, tek NATO’ğa kirgen, amma bloknıñ yaqın ortaqları olmağan devletlerine tesir etecek”, - qayd etti Stoltenberg. 

Qaçıncı sefer qayd etkeni kibi, NATO, Ukrainağa desteginde ve öz mudafaa etilmesine aqnıñ kerçekleştirilmesinde yardımında yöneliş tuta. Daa Ukrainağa qarşı silâlı tecavuzınıñ qullanuvında Moskvağa dair sanktsıyalar qullanılacaqlar dep Alyans, Rusiyege signallrnı yollay.

Belli olğanı 

• 2021 senesi qadım aynıñ başında amerikalı KHV Ukrainanen sıñırında rusiye tehnikasınıñ toplanuvı aqqında bildirdiler. O vaqıt Mudafaa nazirligi ve MTMŞ bu malümatnı red ettiler. Qasım aynıñ 21 ukrain istihbaratınıñ başı ilân etkeni kibi, Rusiye, Ukrainanen sıñırı yanında arbiy hızmetçileriniñ 92 biñni toplap qara qış aynıñ soñuna qadar - 2022 senesi uvut aynıñ başında ücümge azırlana.
• Qara qış aynıñ 26 amerikalı tarafı, Avropada “telükesizlik kefaletlerine” dair Rusiyeniñ “tekliflerine” oña yazılı cevabını alıp bergen. RF talapları şarqqa NATO’nıñ kenişletilmemesi ve Alyansqa Ukrainanıñ kirmemesi kefaletlerden ibaret olğan ediler. 
• İlk qış aynıñ 17 Rusiye Tışqı işler nazirligi, AQŞ’ğa alyans terkibine sabıq SŞCB ülkelerniñ (demek Ukrainanıñ da) kirsetilmesine yasağını köz ögünde tutqan RF ve NATO ülke azalarnıñ telükesizliginiñ temin etilmesine dair telükesizlik kefaletleri aqqında leyhalarnı ve añlaşmalarnı teklif etti.
• AQŞ ve NATO aynı zamanda ilân etkenleri kibi, Rusiyeden tekliflerni aldılar, amma Avropada ittifaqdaşlarnıñ iştiraqsız avropa telükesizlik meselesini müzakere etmeycekler. Ukraina TİN ise qayd etkeni kibi, ülke ve NATO’nıñ munasebetleri nasıl inkişaf etkenini, ayrıca Alyansnıñ kenişletilmesine dair tek olar qarar bereler. 
• OSCE’de tüşüngenleri kibi, Avropada cenk başlanmasınıñ telükesi, soñki 30 yıl içinde olğanına köre şimdi daa yüksek. 

Bizni Telegram’da oquñız