Qırımdan ve DLVAR kelgen 200 abituriyent Reintegratsiya nazirliknıñ azırlıq kurslarını keçtiler

Любезна Катерина
·
10:18, 30 Qaraqışay
Qırımdan ve DLVAR kelgen 200 abituriyent Reintegratsiya nazirliknıñ azırlıq kurslarını keçtiler
Foto menbası: pixabay

Reintegratsiya nazirligi Ukrainanıñ vaqıtace işğal etilgen territoriyaladan kelgen abituriyentler içün aliy oquv yurtlarına birinci azırlıq kurslarını keçirdi. Qırımdan ve DLVAR kelgen 200 abituriyent bu kurslarını keçtiler.

“Ukrinform” malümatlarına kore, bunı “Qırımdaki abituriyenler içün maarif imkânları” muzakere devamında Ukrainanıñ Qırım Muhta Cumhuriyetindeki vekilâyetinde VİT nazirnıñ raqamlı inkişaf suallerdeni muavini Snaver Seythalil haber etti.  

“Elbette,  işğalci memuriyetler tarafından manialar bar edi, bu sebepten episi istegenler kurslarğa iştiraq etmege çare tapmadılar. Lâkin oquşlarını keçken 200 insan acayip tecribe qazanğanlar”, - Seythalil qoştı.

Aytqanına köre, birinci azırluv kurslarnıñ neticelerini ve meselelerini talil ettiler ve oquv şartlarını biriz deniştirmek isteyler.

“Medeniy-maarif programmağa diqqat etilecek, mezunlarnıñ, misal olaraq, oquş devamında ukrain tillinnen qullanmağa imkânları olacaq”, - nazirnin muavini ayttı.

Ondan ğayrı, Reintegratsiya nazirligine 2022 senesi oñlayn oquşını başlamağa niyet eteler. Ondan ğayrı azırlıq kurslarına vesiqalarnıñ oñlayn tapşıruvını  ve imtianlarnıñ proktoring sistemada tapşıruvını - yani imtiannıñ keçüvini nezaret etken ceryanını, qayd etmege isteyler.

UniTour leyhanıñ icracisı Müslim Ümerov qayd etti ki,  bu leyhanıñ teşebbüsçisı - Q-hub teşkilâtı olğan. Bu işğal etilgen territoriyalardan kelgen abisturiyentler içün 13-seriyalı trevel-şoudır. Anda Ukrainanıñ 5 şeyerine, 13 aliy oquv yurtlarnıñ studentleri nasıl  yaşaylar ve oquylar tasvir etile.

“Umimiyukrain media saada Qırım mevzusına olğan haber vastalardan, 14-25 yaşlı auditoriyağa bağışlanğan malümatlar az. Bu sebepten biz abituriyentlernen bir yaşdaş olğan Qırımdaki abituriyentı aqqında leyhanı yaratmağa qarar çıqardıq. O qırımda yaşağan abituriyentlerinnen ukrain aliy oquv yurtlarında oquv aqqında fikirinnen paylaşa”, - Ümerov ayttı.

Aytqanına köre,  bu leyha Ukrainanıñ işğal etilgen territoriyalarına yaşağan mezunlarnıñ olğan malümat manianı yenmege yardım etecek.  O ukrain aliy oquv yurtlarına sadeleştirgen kiriş usulları, olğan zenaatları ve Qırımdaki aliy oquv yurtlarından qıta Ukrainağa keçerüv mevzularını aydınlatacaq.

Belli malümatlar

Bizni Telegram’da oquñız