Britaniyanıñ premyer-naziri Putin ile aytışmalardan evel Ukrainanı ziyaret etecek

Любезна Катерина
·
13:34, 29 Qaraqışay
Britaniyanıñ premyer-naziri Putin ile aytışmalardan evel Ukrainanı ziyaret etecek
Foto menbası: metro.co.uk

Britaniyanıñ premyer-naziri Boris Conson kelecek afta Ukrainanı ziyaret etmege niyet ete.  Ondan soñ o Rusiye Federatsiyanıñ prezidenti Volodimir Putin ile aytışmalarını keçirecek. Kiyevge ve Moskvağa ziyaretleri ile Conson ümüt ete ki, o Rusiyenıñ tecavuzını toqtatmaq maqsadınen diplomatik ğayretlerini qaviyleştirmege olacaq.

Bunı The Guardian haber etti.

“Premyer-nazir Avropanı cenkten qorçalamaq maqsadınnen, diplomatik ğayretlerini tezleştirmege qarar çıqardı. Kelecek afta plan etilgen Putin prezidenti ile körüşüvde o  kene de tekrarlacaq ki, Rusiye öz ordularını sınırdan almağa ve diplomatik munasibetlerge qoşulmağa mecbur”, - Dauning-strit vekili qayd etti.

Daa beklene ki, yanvar aynıñ 30 London ilân etecek ki, eger Rusiye Ukranağa ucumlansa, Büyük Britaniya oña qarşı daa de qattı sanktsiyalarını qayd etecek. 

Belli malümatlar

  • “Prava Sprava” Grajdan teşebbüsnıñ başı Dmitro Snegiröv Suspilne Qırımğa haber etti ki, Büyük Britaniya Ukrainağa imdat bildirtmek içün çoq areketler yapa. Yanvar aynıñ 24 Ukrainda rus tecavuznıñ kerginleşüvi sebebinden Britaniya Kiyevdeki yelçihanenıñ hadimlernıñ qısımını tahliye etmege başladı. Ekspertler aytqanına köre, bu RF arbiy-siyasiy basımnıñ qısımı ile qıymet etmege kerek.  

Bizni Telegram’da oquñız