Bunıñ aqqında, o, avgustnıñ 2-nci künü “Prâmıy” telekanalınıñ canlı yayında haber etken. 

“Elbet de, Ukraina, Avropa, Birleşken Ştatları iç bir alda Qırım vaziyetini qabul etmeyceklerini añlaymız. Aqrusiye de (Qırımnen bağlı-muarr.) olğanınen razı olmay, iqtisadiy (sebeplerden- muarr.)”, - haber etti Tsepkalo. 

“Qırım kimge aittir?” sualine Lukaşenkonıñ muhalifi baştan küldi. Soñra ise- demokratik fırqası “bu mesele boyunca öz mevamını kerçekten de tayin etkenini” ve, bunen beraber, bu mesele boyunca qasevet çekkenini belgilengen. Daa qayd etkeni şu ki, Aqrusiye,  “Rusiye ve Ukraina arasında munasebetleri daa dostane olacağını” ister edi. 

Ukrainanıñ Şarqtaki cenk şaraitlerde bu olumsız olğanını mühbirniñ ihtarına Tsepkalo böyle cevaplandı: “Artqa areket eterek, ögge adım etmesi daa eyidir”. 

“Çünki tarihta er bir donüm Ukraina içün bu meseleni çezmez”,- dep ayttı diplomat. 

Bundan da ğayrı, aqrusiye siyasetçi şunı ilâve etken ki, Ukraina, Qırımnı, tek vızlı şekilde inkişaf etilse, qaytara bilir. 

“Tek yañartuv ile şu topraqlırnı qaytarmaq mümkün, iqtisadiy donüminde bare, soñra daa bir çare tapılır”,-qayd etti Tsepkalo. 

Aqrusiye muhalifi, özü, Kiyevge Moskvadan keldi. Bunı, “İnterfaks-Zahid” agentligine Öleksiy Urban siyasetçiniñ matbuat kâtibi haber etken. 

Belli olğanı

• İyülniñ 24-üsinde, Tsepkalo Aqrusiye territoriyasını terk etip balalarnen beraber Moskvada bulunğanını belli oldı. Onıñ ömür arqadaşı Veronika Tsepkalo evde qalğan. 
• Ülkeden öz çıqıp ketüvini tefsir eterek, Tsepkalo bildirdi ki,  tevqifniñ olması mümkün aqqında onı Aqrusiye İİN ve DTK qanun qoruyıcı organlardaki arqadaşları haberdar etkenler. 
• İyülniñ 14-ünci künü Aqrusiye Merkeziy saylav komissiyası, Tsepkalonı, prezident vazifesine ketire bilgen kerek olğan 100 biñ muaqqaq imzalarnıñ yeterli olamağanı içün, qayd etmedi. Tsepkalonıñ teşebbüsli gruppası 200-den ziyade imzanı toplağan. Ştabnıñ malümatına köre, saylav komissiyalarına 160 biñ imzası alıp berilgen edi. Lâkin MSK tek 80 biñ eksik imzanı muaqqaq körgen. 
• İyülniñ 16-sında Tsepkalo Yuqarı mahkemege prezident namzetine registratsiyasını red etkenine şikâyet etken. Bunen beraber, qayd etti ki, “mahkeme nasıl qararına kelecegine iç bir şübem yoq”. Yuqarı mahkemesi şikâyetni red etti. 
• Aqrusiye prezidentniñ seçüvleri avgustnıñ 9-ında keçmelidir. Lukaşenko bu vazifesinde 1994 seneden itibaren bulunmaqtadır. 
• Aqrusiye prezidentniñ seçüvlerdeki Aleksandr Lukaşenkonıñ raqibi Svetlana Tihanovskaya Qırım kimge ait sualine ekinci ıntıluvınen cevap bergen. Onıñ aytqanına köre, “uquqiy tarafından Qırım Ukrainağa ait, aslında- Rusiyege”.