Advokat Mykola Polozov Celâlovnıñ mektübini öz Facebook saifesinde derc etti.

“Meni devletnıñ qanuniy nizamını ve devlet telükesizliknıñ bozuvına qabaatlamağa tırışlar. Lâkin menimce,  demokratik qıymetlerini qayd etken devletnıñ uquq qorucı organları qalp etilgen dava ile yalan taqıqatını keçirip, peşinsiz fikir ve adelet printsiplerini bozalar ve özleri devletke zarar ketireler”, - Celâlov yazdı

Onıñ fikirine köre, RF qanuniy nizamını nezaret etmege ve qorçalamağa nasip etilgen insanlar, öz areketleri ile devletini qanunsızlıq uçurımğa oğratalar.

“Lâkin olar episi bir meni,  Rusiyenıñ Ukrainağa qarşı tecavuzını ve Qırımnıñ işğalini maküm etken insanını,  makeme eteler”, - siyasiy mabus beyan etti.

Qirimtatar milliy  Meclis başniñ muavinnin fikirine köre,  Rusiyenıñ cinayeti devlet içinde ve devletten tış peyda olğan meselelernıñ menbasınnen ola.

“Tek öz belâlarnıñ sebepçilerini makeme etip,  Rusiye öz telükesizligini temin etmege çare tapacaq”, - tarifledi.

Menba: facebook.com/nikolay.polozov

Belli malümatlar

• Yanvar aynıñ 25 Qırımnıñ Yuqarı mahkemesi  “gaz boruda diversiya” davası ile apislengen Nariman Celâlov, Asan ve Aziz Ahtemovlar qırımtatar faallernıñ öñleyci tedbirnıñ seçbvi aqqında qoruvnıñ istinaf şikâyetini red etti. Faaller kiçik aynıñ 23 tevqıfhanede qalacaqlar.  AQŞ yelçihanesi bu qararını maküm etti. 
• Qirimda işğalciler qirimtatar milliy  Meclis başniñ muavinin Nariman  Celâlovni, Asan ve Aziz Ahtemovlarini resmiy şekilde diversiyada qabaatladilar. Olarni Perevalnoe koünde gaz boruniñ patlavina, patlav aletniñ elastındanda , 105 bin ruble (38,6 tbin grn) zarar etüvine ve Rusiye mudafaa habilietniñ bozuvina qabaatladilar. 
• İlk küz aynıñ 3 ve 4 Aqmescitte ve Kezlevde beş qırımtatarını Perevalnoye köyündeki gaz borusınıñ patlavında şübesi boyunca tevqif ettiler (iş adamı Eldar Odamanov, ağa-qardaş Aziz ve Asan Ahtemovlar, Şevket Üseinov ve qırımtatar halqnıñ Meclis başı Nariman Celâlnı).
• İlk küz aynıñ 6 işğal “makemesi”, tutıp alınğan qırımtatarlatnı tevqif etken.  
• İlk küz aynıñ 22 Nariman Celâlovnıñ qabaatlavını teşkil etilgen gruppası terkininde diversiyasına deñiştirip quvetleştirdiler. O ise - 12’den 20 yılğa qadar azatlıqtan marum etüvini közde tuta. Bundan da ğayrı, onı teşkil etilgen gruppasınıñ terkibinde patlayıcı malzemelerniñ qanunsız satın aluvında, alıp berüvinde ve saqlanuvında qabaatladılar.
• Ekim aynıñ 7 Nariman Celâlovnı bir nomeralı  N.І. Balaban adlı “Qırım cumhuriyetnıñ psihiatrik hastahanenıñ”15 bölügine mecburiy ekspertizağa yolladılar.
• Qasım aynıñ 1 imaye tarafı, Celâlovnıñ davasında “makemeniñ” keçirilmesine şikâyet etken. 
• Aqmescitte tevqif etilgen qırımtatar faali ve siyasetçi Nariman Celâl, advokat Nikolay Polozovğa hastahanesindeki şaraitler aqqında tarif etti.
• Qasım aynıñ 8 Meclis baş muavini Nariman Celâlovğa yañı qabaatlavlarnı qoydılar. Bu sefer patlayıcı tertibatnıñ elastında.
• Qırımdaki işğal mahkemesi ilk qış aynıñ 3 Nariman Celâlovnıñ apisi sebebinden berilgen apellâtsiya şikâyetini red etti.

​​​​​​​Bizni Telegram’da oquñız