Bunı Ukraina Yuqarı Şuranıñ insan aqlar suallerden vekili Lüdmila Denisova öz Telegram-kanalında haber etti.

“59 yaşındaki qırımtatar adamnıñ, “Hizb ut-Tahrir” davanıñ “ekinci aqmescitteki taqımnıñ” iştiraqçinıñ, siyasiy mabusnıñ  Cemil Gafarovnıñ alı daa de yaramay oldı. Oña mahkeme oturuşlarını ziyaret etmege qıyın, o pek qıynala”, - yazdı.

Denisova aytqanına köre, Gafarovnıñ büyrekler hastalığı kerginleşti, ayaqları ağırta, yürek ağrılara ve basım farqları raatsızlatalar.

Ombudsmen malümatlarına köre, Rostov-na-Donudaki  5 nomeralı tevqıfhanenıñ reberligi siyasiy mabusnıñ hatiplerini körmemezlikke ura, tibbiy yardımını etmey ve nevbetteki tibbiy baquvlar ve ilâçlarnen teminlev aqqında yazma hatiplerini cevapsız qaldıra.

Daa oquñız: Advokat Cemil Gafarov siyasiy mabusnıñ tibbiy yardımı aqqında malümat berdi

“2021 seneni qasım ayında qoruv irişti ki, Cemil Gafarovnıñ talillerini aldılar. Evelsi, hatiplerge baqmayıp, olarnı almağan ediler”, - ombudsmen qayd etti.

O qayd etti ki,  öz qanunsız areketler ile, tevqıfhanenıñ reberligi qırımtatar adamnıñ aşayışqa, sağlaq qoruvına ve tibbiy yardımına aqlarını bozdı. Bu aqlar İnsan aqlarnıñ ve esas azatlıqlarnıñ mudaafası aqqında Qanunnamenıñ 2 maddesine qayd etileler. Ondan ğayrı,  BHT İqtisadiy ve İçtimaiy şurasınen qabul etilgen apislengenler ile Minimal areket qaydelernıñ 22 noqtasına bu aqlar qayd etilgen ediler. 

Belli malümatlar

• Ekinci Aqmescitteki taqımnıñ iştiraqçilarını 2019 senesi ilk baar ayında taqıp etmege başladılar. İlk baar aynıñ 27 25 qırımtatar adamı toqtatılğın edi.  Taqıqat tedbirler Kamenka, Mamaq, Beloye köylerinde keçirilgen ediler. Anda FTH, OMON, Ruosgvardiya, poliyatsiya ve YONH hadimleri çalışqan ediler.
•  25 qırımtatar faali toqtatılğın edi. Olar arasında Ruslan Suleymanov, Alіm Karіmov, Rustem Şeyhalіev, Mecit Abdurahmanov, Yaşar Muyedіnov, Bіlâl Adіlov, Cemіl Gafarov, Rіza Іzetov, Іzet Abdullayev, Asan Yanіkov, Şaban Ümerov, Mecіt Abdurahmanov, Tofіk Abdulgazіev, Seytvelі Seitabdіev, Farhod Bazarov, Akіm Bekіrov, Rustem Seithalіlov, Servet Gazіev, Seyran Murtaza, Erfan Osmanov, Osman Arіfmemetov, Remzі Bekіrov, Yeskender Suleymanov, Enver Ametov, Vladlen Abdulkadirov ve Raim Ayvazov. Olarnı “Hizb ut-Tahrir” firqanıñ teşkil etüvine ve iştirağına qabaatlaylar. Bu firqanıñ faaliyeti Rusiye Federatsiyanıñ ve işğal etilgen Qırımnıñ territoriyasında yasaq etilgen.  Ukrainada ve başqa devletlerde ise o resmen areket ete. 
• Apislengen adamlarnıñ çoqsı “Qırım birdemligi” birliknıñ  azalarınnen olalar. Ömerov, Bekirov, İzetov ve Ayvazov RF CQ 205.5 maddenıñ 1 qısımına köre qabaatlanalar (“Terroristik faaliyetnıñ teşkil etüvi”). Oña köre, ömür boyu apis cezası çıqarıla.
• Qalğanlarını RF CQ 205.5 maddenıñ 2 qısımına köre qabaatlaylar (“Terroristik teşkilâtında iştiraq etüv”, 20 yıllıq apis cezası). Ondan ğayrı episi iştiraqçilarğa RF CQ 30 maddenıñ 1 qısımına ve 278 maddesine köre (“Ukümetnıñ zorbalıqnen zapt etüvine azırluv”, 10 yıllıq apis cezası) qabaatlaylar.

Bizni Telegram’da oquñız