Rusiye, koronavirus mucadelenen qapatılıp, Qırım sakinlerniñ dolaşuv serbestligini sıñırlay- OSCE`deki Ukraina elçisi.
İşğal akimiyeti, koronavirus pandemiya mucadelenen qapatılıp, Qırım sakinlerniñ dolaşuv serbestligini sıñırlay.
Bunı, Viyanada OSCE`deki Daimiy şurasında çıqısında bulunaraq, halqara teşkilâtlarnıñ Ukraina vekili Yevgen Tsımbalük söyledi.
O, Qırım sakinlerniñ dolaşuv serbestliginiñ sıñırlama misallerni ketirgen: işğal sıñırcıları, qırım sakinlerni, olar, memuriy sıñırlarnı keçüv vaqtında ukrain pasportlarnı köstergenleri içün cöreme ödeteler; işğal Qırımda daimiy sürette yaşağan Ukraina vatandaşları ise-işğal etilgen topraqnı terk etip, tek bir kere qayta bileler.
“Rusiye pasportnı qabul etmege red etken Qırım sakinleri ecnebiyler dep sayılmaqtalar ve Qırımğa qaytuvsız ihtimalınen çıqıp kete bileler”,- qayd etti elçi.
Bundan ğayrı, Ukrainada milliy azlıqlardaki aqqlarnıñ bozuluvı aqqında maruzanen Rusiye vekili Aleksandr Lukaşeviç çıqışta bulunğan. O, işğal etilgen Qırımnı añmadı.
Malümat olaraq
- Arman ayınıñ 1-nden, işğal etilgen Qırımdan Ukainağa kelgenlerge, memuriy sıñırdan keçken soñ öz-özüni etraf müitinden ayırıp tutmaq kerek olmaycaq.
- Qırımdan çıqış yerinde “sıñırcılar” Qırım mekân qaydınen Ukraiana vatandaşlarını ve qanunsız, mecburiy berilgen RF vatandaşlığınen şahıslarnı ekinci kere yarımadadan çıqıp olamacaqları aqqında haberdar eteler.
- İşğalci Federal telükesizlik hızmetiniñ malümatına köre, endiden Qırım ile memuriy sıñırda ukrain pasportı maqbul degil. Bu, Qırım mekân qaydınen, amma Rusiye pasportı olmağan işğal etilgen yarımadanıñ sakinlerine ait.
- Ukraina Nazirler kabineti ükümetniñ nevbetten tış oturışında vaqtınca işğal etilgen Qırım ile memuriy sıñırda bütün kiriş-çıqış yoqlav keçitlerniñ işini yañartmağa qarar çıqardı.
- Oraq ayınıñ 15-nden işğal etilgen yarımadağa Ukraina qıtasından kelgenler içün observatsiya lâğu etilecek.
- Observatsiya lâğu etilgenine baqmadan, işğal etilgen Qırım ile memuriy sıñırnı keçken Ukraina vatandaşları içün sıñırlavlar devam ete.