Bunı o şahsiy  Facebook saifesinde ve Suspіlne Qırımğa berilgen tefsirine haber etti. 

“Soñki kere men  Qırımğa ilk küz ayından qasım ayınace bulunğan edim.  Yarımadağa kelgenim bir afta olğanından soñ, men evimnıñ qapusını açqanda, qara şeritnen baylanğan eki dane qaranfilinı taptım (resimnı qoşmacam). O zamanda,  men qalıp, işimi soñuna ketirmege qarar çıqarğan edim.  Lâkin bu areketini ciddiy tenbi ile tanıdım. 2021 senenin soñuna, Kiyevge qaytqanda maña telefon açtılar, ve ayttılar ki, o zamanda toqtağan yerine “politsiya” hadimleri kelgen edi. Kelip, adımı ayttılar, men aqqında malümatlar toplağan ediler”, - jurnalist yazdı. 

Aytqanına köre,  bu areketlerini yapqanlar, Yefimenkonıñ zenaat aqlarını boza ve oñı “ozidare tsenzurağa oğrata”. O çoqtan böyle areketlerge azır edi, bu sebepten olğan vaziyet oñı ayrette qaldırmadı.

“Men 2017 senenin qasım ayından Qırımda mühbirnen çalışam. Demek, dört yıl devamında. Bu devirnıñ devamında men birinci kere toqtamağa qarar çıqardım. Yarımadağa ziyaretlerimden şimdiki vaqıtında çoq fayda olmaz, amma olar  maña ve yaqın insanlarıma çoq yanı meseleler açmağa ola bileler. Men bellesem, bu mesülietsiizdır.

Men  vaqıtace Qırımnı ziyaret etmecem. Lâkin bu mevzunı qaldırmağa de istemeiym. Yañı şartlarda çalışmağa ögrenecem. Doğrusını aytsam, böyle qararını çıqarmağa pek qıyın oldı”, - jurnalist paylaştı.

O haber etti ki,  “âñı şartlarda” qırım mevzusıı ile çalışmağa deva etecek ve Krim.Realії, Suspіlne Qırım ve Grani.Ru. haber vastalarına işbirlik içün teşekkürler bildirtti. 

“Qırımda mustaqıl jurnalsitlerine çalışmaq kerek. Olar aslında bunı yapmağa mecburlar.  Lâkin fayda zarardan çoqça olmağa mecbur. Çünki anda aslında çalışmağa qyın.  Amma işğal etilgen territoriyada qalğan insanları içün areket etmege kerek. Qırım içün de”, - Yefimenko netice çıqardı.

“Kimnıñ çeçekleri edi aytmağa qıyın, lâkin menimce, bu zenaat faaliyetimnen bağlı. Ondan soñ “qırımdaki politsiya” men aqqında sorağan edi. Bu kerçektır.  Devamlığı aqqında - bazı kere men nezaretlerini duyğan edim. 2019 senesi meni toqtatqan ediler, amma dava açmayıp,  azat ettiler. Bir qaç kere “rus gümrükhanenıñ” hadimleri mennen muzakere keçirgen ediler, ne maqsadınen Qırımnı ziyaret etem sorağan ediler”, - Yefimenko Suspilne Qırımğa malümat berdi.

Aytqanına köre, mustaqııl jurnalistikane bağlı zenaatçilar ve faaller böyle vaziyette çalışalar. 

“Bu adiselerini işimnıñ qısımları ile tanığan edim. Şimdiki vaqıtında olğan vaqıalar kerçekten beklengen ediler. Elbette,  bu hoşsuz, lâkin bunı qabul etip, yaşamağa çare bar. Men  işimi devam etmege niyet etem.  Qırım yarımadanı ziyaret etmesem de, evelsi kibi, Qırım mevzusına quvetlerim yetkence çalışmağa niyet etem”, - jurnalist haber etti.

Yefimenko beyan etti ki,  şimdiki vaqıtında işğal etilgen Qırımda mustaqıl jurnalistlerine çalışmaq kerek.

“Soñuna, subyektiv fikirnen paylaşmağa isteyim: Qırımda mustaqıl jurnalsitlerine çalışmaq kerek. Olar aslında bunı yapmağa mecburlar. Lâkin fayda zarardan çoqça olmağa mecbur. Çünki anda aslında çalışmağa qyın.  Amma işğal etilgen territoriyada qalğan insanları içün areket etmege kerek. Qırım içün de”, - Yefimenko içtimaiy ağda olğan şahsiy saifesinde netice çıqardı.

Bizni Telegram’da oquñız