Bunı Anadolu turk agentligi haber etti.

Erdogan ifadeledi ki, RF ve Ukraina arasında olğan kerginligi regulleştirmege ve yañı buhranını çetlemek niyet ete.

“Tekrarlayım - biz buna imdat etmege azırmız. Men bu işaretlerini Putinge ve Zelenskiyge yollağan edim ve yollamağa devam etecem… Misal olaraq, bu eki dane lider bizim devletmiznıñ territoriyasına kelip,  aytışmalar keçirseler, bu tınç atmosferanı ğayrıdan tiklemege ola bilecek”, - Turkiye prezidenti bey an etti.

Erdogan ümüt ete ki, Rusiye Ukrainağa ucumlanmaz ve territoriyalarını işğal etmez.

“Boyle adim Rusiye ve aslında bizim regionımız içün maqul olmaz… Biz regionmızda tınçlığını ve stabilligini saqlamağa isteymiz. Regionımız öyle de çoq zarar kördi, bunıñ negativ tesiri bar edi”, - Erdogan ayttı ve qoştı ki, Turkiye Ukraina suverenitetine ve Ukraina territorial bütünligine qattı imdatını bildirte.

Ondan ğayrı, Turkiye lideri qayd etti ki, o Putinnı Ankaranı ziyaret etmege davet etti, lâkin ziyaretnıñ vaqıtı daa bilinmez qala.

Belli malümatlar

• 2021 senesi, boş aynıñ 29 Turkiye prezidenti Ukrainağa ve Rusiyege aracılıq yapmağa azırlığı aqqında beyan etti.
• Bu yılnıñ yanvar aynıñ 12 Turkiyenıñ Qırımnıñ qanunsız işğal etüvnıñ qabul etmemezlik fikiri printsipialdır.

Bizni Telegram’da oquñız