Aytışmalarnıñ neticelerini Prezident Ofisnıñ başı Frenkistandaki Ukraina yelçihanenıñ mahsus brifing devamında haber etti. 

O beyan etti ki, körüşüv ciddiy olğan. Anda “Minsk añlaşmalarnıñ” hususiyetleri muzakere etildiler. Taraflar keliştiler ki,  ateş toqtatuv rejimini qayd etmege kerek.

“Taraflar qayd ettiler ki, mesele çezüvnıñ yollarına farqlı nazar noqtaları bar ve olarnı yerine ketirmek içün, olar çalışmağa azırlar… Daa devletler  keliştiler ki, UKG öz faaliyetini devam etmege mecbur. Bugünki vesiqa - 2019 senesinden birinci qayd etilgen vesiqanen oldı”, - Yermak ayttı.

PO başı “Normand dörtnıñ” körüşüvi devamında ukrain meraqlarnıñ qorçalavını ve RF tarafından provokatsiyalarnıñ toqtatuvı aqqında Ukraina prezidentnıñ printsipial fikirini bildirtti.

Mesleatçilar beyan ettiler ki,  2020 senenıñ oraq aynıñ 22, “Minsk aytışmalar” ile farqlı fikirlerine baqmayıp, ateş toqtatuv rejimnıñ qayd etüvi aqqında kelişken ediler.

Andrіy Yermak qayd etti ki, Ukraina deeskalatsiya yollarnıñ qıdıruvını devam etmege azır.

“İş devam ete,  Ukraina er zaman, 24/7 körüşüvlerge,  aytışmalarğa azır, çünki biz içün, Zelenskiy prezidentimiz içün, bütün taqımımız içün cenknıñ toqtatuvı ve zapt etilgen territoriyalarmıznıñ qaytaruvı - esas maqsadımıznen ola. Bugün  - bu daa kerginliknıñ zaifleştirüvi, Ukraina sınırlarnıñ boyu deeskalatsiyasıdır”, - netice çıqardı.

PO başı ümütlerinnen paylaştı ki, eki aftadan Berlinde keçirilgen körüşüvde konstruktiv muzakere kerilecek ve onıñ neticeleri faydalı olacaqlar.

Rusiyenı RF prezidentnıñ memuriyet başnıñ muavini Dmitro Kozak taqdim etti, Almaniyanı - kantsler mesleatçisı Yens Pletner, Frenkistanını ise - prezidentnıñ mesleatçisı Emmanüyel Bonn.

Öz tarafından, RF vekili bu aytışmalarını “qıyın, lâkin açıq” adlandardı ve qayd etti ki,  “Donbasta ateş toqtatuv rejimini riayet etmege kerek”.

Bizni Telegram’da oquñız